जळगाव लाईव्ह न्यूज । ०१ डिसेंबर २०२१ । दोन भरधाव आयशरच्या अपघातात एक ट्रकचालक जागीच ठार तर दोन जण गंभीर झाले. ही घटना पाचोरा ते भडगाव दरम्यान मंगळवारी रोजी घडली. गंभीर जखमींचे पाचोऱ्यात उपचार सुरु आहे.
सविस्तर असे की, बांबरुड (महादेवाचे) जवळील तितूर नदी पुलाजवळ भुसावळहून मुंबईला केळी घेऊन जाणारी आयशर (क्रं.एम.एच. ४६ ए.आर.३८८८) व भडगावकडून पाचोराकडे येणारी रिकामी आयशर (क्र.एम.एच.२० बी.टी.२२४७) यांची धडक झाली. यात भुसावळहुन मुंबईकडे जाणाऱ्या आयशर चालक इलियास शेख (वय ४६, रा. भुसावळ) यांचा जागीच मृत्यू झाला. तर इम्तियाज खान (वय ४३) व शाहरुख सलीम खान (वय २८, रा. जाम मोहल्ला, भुसावळ) हे गंभीर जखमी झाले. त्यांचे पाचोऱ्यात उपचार सुरु असून, अपघातग्रस्त दोन्ही आयशरचा चक्काचूर झाला आहे.