जळगाव लाईव्ह न्यूज । भुसावळ शहरातील टीव्ही टॉवर परिसरात धान्य व्यापारी अजय कोटेचा यांच्यावर हल्ला करून दोन लाख रुपयांपेक्षा अधिक रक्कम लुटल्याच्या प्रकरणाचा पोलिसांनी तिघांच्या मुसक्या आवळल्या आहे. संशयित आरोपींमध्ये एक भुसावळ शहरातील तर दोन जण मध्य प्रदेशातील आहेत. तपास सुरू असल्याने पोलिसांनी संशयितांची नावे जाहीर केलेली नाहीत.
पोलिसांच्या प्राथमिक तपासात भुसावळातील एक संशयित आणि मध्य प्रदेशातील दोन्ही संशयितांचा या आधी कारागृहात परिचय झाला होता. कारागृहातून बाहेर आल्यानंतरही ते एकमेकांच्या संपर्कात होते. या तिघांनी मिळूनच भुसावळात रस्तालुटीचा कट रचल्याचे तपासात समोर आले.
या कटानुसार अजय कोटेचा यांचा पाठलाग करून टीव्ही टॉवर परिसरात त्यांच्या डोळ्यांत मिरची पूड फेकण्यात आली. त्यांच्या डोक्यावर लाडकी दांडक्याने मारहाण करून त्यांच्याजवळील दोन लाख रुपयांपेक्षा अधिक रक्कम लुटून तिघे पसार झाले होते.
घटनेनंतर पोलिसांनी सीसीटीव्ही फुटेज, खबऱ्यांचा वापर आणि संशयितांच्या हालचालींच्या आधारे तपास केला. त्यात तिसऱ्याच दिवशी तिघे पोलिसांच्या हाती लागले. या गुन्ह्यात आणखी कोणाचा सहभाग आहे का, तसेच लुटलेली रक्कम आणि वापरण्यात आलेले साहित्य कुठे आहे, याचा तपास पोलिसांकडून सुरू आहे.
