जळगाव लाईव्ह न्यूज । ८ फेब्रुवारी २०२२ । पारोळा तालुक्यातील कोळपिंप्री येथे ६ रोजी मध्यरात्री चार ठिकाणी अज्ञात चोरट्यांनी डल्ला मारल्याच्या घटना घडल्या. यात २ घरे एक वेल्डिंग दुकान व नवनाथ मंदिराची दानपेटी फोडून, एकूण २ लाख ३५ हजारांचा मुद्देमाल चोरून नेला. या प्रकरणी पारोळा पोलिसांत गुन्हा दाखल झाला आहे.
याबाबत आनंदराव निकम, दिनेश पाटील यांनी पारोळा पोलिसांना माहिती दिली. आनंदराव निकम हे ४ रोजी घराला कुलूप लावून मुलाच्या जावळाच्या कार्यक्रमासाठी बांभोरी (ता.धरणगाव) येथे गेले होते. त्यांना ७ रोजी सकाळी शेजारील रहिवासी राजू निकम यांनी घरात चोरी झाल्याची माहिती दिली. यावेळी त्यांच्यासह उषाबाई बाळू पाटील यांचे घर व योगेश विठ्ठल खैरनार यांचे वेल्डिंग दुकान फोडून रोख रक्कम व चांदीचे ब्रेसलेट असा मुद्देमाल चोरी झाल्याचे समोर आले. तसेच गावातील श्री चैतन्य नवनाथ सिद्धाश्रम मंदिरातही चोरट्यांनी चोरी केली.
मंदिरातील सीसीटीव्ही चे डीव्हीआर चोरून नेत चोरांनी मंदिराची दानपेटी फोडली. त्यातील १५ हजार रुपयांची रोकड चोरांनी लंपास केली. एकाच रात्री गावात चार ठिकाणी चोऱ्या झाल्यामुळे भीती निर्माण झाली आहे. पोलिस उपनिरीक्षक योगेश जाधव तपास करत आहेत.
हे देखील वाचा :
- धक्कादायक ! झोळीत झोपलेल्या ८ महिन्यांच्या चिमुकल्याला चोरले..
- भयंकर ! दुचाकी घसरल्याने माय-लेकाला मागून येणाऱ्या टँकरने चिरडले
- भरधाव वाहनाच्या धडकेत दुचाकीस्वार दाम्पत्य ठार ; मुक्ताईनगर तालुक्यातील घटना
- रात्री लग्न, पहाटे दागिने घेऊन नववधू पसार ; जळगावात तिघांवर फसवणुकीचा गुन्हा दाखल
- Jalgaon : ‘त्या’ तरुणाच्या खुनाचा झाला उलगडा, खुनी पोलिसांच्या जाळ्यात