जळगाव लाईव्ह न्यूज । २७ जून २०२२ । आठवड्याच्या पहिल्याच दिवशी भारतीय शेअर बाजार उघडताच मोठी वाढ दिसून आली. आज सोमवार 27 जून रोजी सेन्सेक्स आणि निफ्टी प्लस वर व्यवहार करताना दिसत आहेत. आज बाजार उघडताच निफ्टीने 200 हून अधिकने तर सेन्सेक्सनेही 700 हून अधिक अंकांची उसळी घेतली आहे.त्यांनतर सकाळी १०. ३० वाजेपर्यंत सेन्सेक्स ६०० हून अधिक अंकाने पुढे होता. यासोबतच जागतिक निर्देशांकही सुधारणेसह व्यवहार करत आहेत.
बाजारात तेजी
आज सेन्सेक्स आणि निफ्टी दोन्ही तेजीत आहेत. सेन्सेक्स 700 हून अधिक अंकांनी वाढला आहे. आज सेन्सेक्स 740.32 अंकांच्या (1.40%) वाढीसह 53,468.30 च्या पातळीवर उघडला. दुसरीकडे, निफ्टी 50 मध्येही वाढ झाली आहे. निफ्टी 226.95 अंकांच्या (1.45%) वाढीसह 15,926.20 वर उघडला.
बँक निफ्टीही वाढला
यासह निफ्टी बँक देखील प्लस चिन्हात आहे. निफ्टी बँक 498.75 अंकांच्या (1.48%) उसळीसह 34126.20 वर उघडली. दुसरीकडे, सुरुवातीच्या व्यापारात सेन्सेक्सने 53509.50 चा उच्चांक सेट केला आहे, तर निफ्टीने 15927.45 चा उच्चांक सेट केला आहे.
Top Gainer आणि Top Loser
बाजार आज प्लस चिन्हात खुला असताना काही समभागांवरही दबाव दिसून येत आहे. मात्र, काही समभागांमध्ये बंपर तेजी दिसून आली. व्यवसायाच्या सुरुवातीला, विप्रो, टेक महिंद्रा, टाटा मोटर्स, एचसीएल टेक, इन्फोसिस सध्या बाजारात अव्वल लाभधारक आहेत. तर सर्वाधिक नुकसान स्टिरीड्स फार्मा आणि पेट्रोनेट एलएनजी आहेत.
