जळगाव लाईव्ह न्यूज । ४ एप्रिल २०२१ । जळगाव जिल्हाधिकारी कार्यालय आवारात कारवाईकामी जप्त करण्यात आलेले ट्रॅक्टर चोरी करणाऱ्या दोन्ही तडीपार आरोपींना चोरीच्या ट्रॅक्टरसह एलसीबीच्या पथकाने ताब्यात घेतले आहे.
प्रविण ऊर्फ मनोज रमेश भालेराव व त्याचा साथीदार पप्पु ऊर्फ मुकेश रमेश शिरसाठ दोघे रा.पिंप्राळा हुडको बौध्द वसाहत,जळगाव अशी अटकेतील आरोपींची नावे आहेत. चोरीच्या ट्रॅक्टरची ओळख पटू नये म्हणून त्यांनी त्याचा रंग बदलला होता.
दोघांना एलसीबीचे निरीक्षक किरणकुमार बकाले यांच्या पथकातील पो.हे.कॉ. सुनिल पंडीत दामोदरे, पो.हे.कॉ. जयंत भानुदास चौधरी, पो.ना. विजय शामराव पाटील, पो.कॉ. सचिन प्रकाश महाजन, पो.कॉ. पंकज रामचंद्र शिंदे यांनी शहरातील बी.जे.मार्केट परिसरातून ताब्यात घेतले असून पुढील तपासकामी जिल्हा पेठ पोलिसांच्या ताब्यात देण्यात आले आहे.
