जळगाव लाईव्ह न्यूज । १६ फेब्रुवारी २०२२ । आमच्या मुलीला तुमच्या मुलाने पळवून नेल्याचा आरोप करत मुलगी दोन तासात परत आली नाही तर घर जाळून टाकण्याची धमकी, शिवीगाळ व लोखंडी पाईपाने मारहाण करणा-या पाच जणांविरुद्ध महिलेच्या जवाबानुसार एमआयडीसी पोलिस स्टेशनला गुन्हा दाखल करण्यात आला आहे.
चेतन सर्वानंद राजपाल, रोश सर्वानंद राजपाल, मुन्ना सर्वानंद रजपाल, अंजु शंकर राजपाल, करू मुन्ना राजपाल सर्व रा. सिंधी कॉलनी जळगाव यांच्याविरुद्ध गुन्हा दाखल करण्यात आला आहे. जळगाव शहराच्या सिंधी कॉलनी परिसरात 15 फेब्रुवारी रोजी घडलेल्या या घटनेप्रकरणी पाच जणांच्या मारहाणीत महिला जखमी झाली आहे. महिलेचे घर जाळून टाकण्याच्या उद्देशाने पुन्हा आलेल्या आरोपींनी सोबत रॉकेल आणल्याने तणाव निर्माण झाला होता.
संपूर्ण प्रकार दि.१४ रोजी दुपारी १ वाजता आणि सायंकाळी ६ वाजेच्या सुमारास घडला. घटनास्थळी फौजदार अनिस शेख यांनी भेट देत तणावपुर्ण परिस्थिती आटोक्यात आणली. सहायक फौजदार राजेंद्र उगले यांनी सदर गुन्हा दाखल केला असून पो.नि.प्रताप शिकारे यांच्या मार्गदर्शनाखाली स.पो.नि. प्रमोद कठोरे पुढील तपास करत आहेत.
हे देखील वाचा :
- जळगाव जिल्हयातील निवृत्ती वेतन धारकांसाठी शासनाच्या ई-कुबेर प्रणालीची सुविधा
- जळगाव आणखी तापणार ; हवामान खात्याने वर्तविला ‘हा’ अंदाज
- जळगावात सोने पुन्हा 67 हजाराच्या घरात ; चांदी..; पहा आताचे भाव
- जळगाव शहरवासीयांची महत्वाची बातमी ; आजचा पाणीपुरवठा बंद, उद्या या भागात होणार पुरवठा?
- आजचा दिवस ‘या’ राशींसाठी आव्हानात्मक असेल ; वाचा गुरुवारचे राशिभविष्य..