जळगाव लाईव्ह न्यूज । २० नोव्हेंबर २०२१ । बसस्थानक लगतच्या भजे गल्लीतील सुयोग हॉटेलसमोरून बुधवारी रात्री ८.४० वाजेच्या सुमारास एका तरुणाच्या हातातून दोन अज्ञात व्यक्तींनी मोबाइल व ४ हजार ५०० रुपये रोख रक्कम जबरीने हिसकावून नेल्याचा प्रकार घडला. याप्रकरणी तरुणाच्या फिर्यादीवरून दोघांविरुद्ध पोलिसात गुन्हा दाखल झाला आहे.
खेडी येथील युवक विक्की बाबासाहेब गायकवाड ( वय माहित नाही ) हा घराकडे जात होता. यावेळी दोन अज्ञात व्यक्तींनी त्याच्या हातातून ३० हजार रुपये किमतीचा मोबाइल व ४ हजार ५०० रुपये रोख रक्कम जबरीने हिसकावून नेले. त्यानंतर दोघांनी तेथून पळ काढला.असून, गायकवाडच्या फिर्यादीवरून दोघांविरुद्ध गुन्हा दाखल झाला.
