जळगाव लाईव्ह न्यूज । २० जुलै २०२१ । रावेर प्रतिनिधी | रावेर शहरात बकरी-ईद सण शांततेत पार पडावे व कायदा सुव्यवस्था अबाधित रहावी या उद्देशाने फैजपूर विभागीय अधिकारी नरेंद्र पिंगळे यांच्या प्रमुख उपस्थितीत, आज दि.२० जुलै मंगळवार रोजी शहरातील प्रमुख मार्गावरून पथसंचलन करण्यात आले.
यावेळी रावेर ठाण्याचे पोलीस निरिक्षक रामदास वाकोडे, एपीआय शीतल कुमार नाईक, पीएसआय अनिस शेख, पीएसआय मनोज वाघमारे, पीएसआय मनोहर जाधव, आरसीपी पालटून चे 1+17, तसेच रावेर पोलिस ठाण्याचे 32 पोलीस कर्मचारी यांनी मिळून रावेर शहरात, रावेर पोलिस ठाण्यापासून ते आंबेडकर चौक, बऱ्हाणपूर जिलेबी, पंचशिल नगर, इमामवाडा, संभाजी नगर पुल, नागझरीवाडा, थळा भाग, पाराचा गणपती, गांधी चौक, ते सराफरोड व डॉ.आंबेडकर चौक अशा रावेर शहरातील प्रमुख मार्गांवरून पथसंचलन सायंकाळी ६ ते ७ वाजेपर्यंत करण्यात आले. यावेळी रावेर पोलीस ठाण्याचे डीबी पथक व गोपनीय चे मंदार पाटील, राजेंद्र करोडपती, महेंद्र सुरवाडे, सुरेश मेढे, सुकेस तडवी हजर होते.