जळगाव लाईव्ह न्यूज । सुभाष धाडे । कर्नाटकात छत्रपती शिवाजी महाराजांच्या पुतळ्याची विटंबना केल्याप्रकरणी मुक्ताईनगरात राष्ट्रवादी काँग्रेस पार्टीतर्फे निषेध व्यक्त करीत पोलीस निरीक्षक यांना निवेदन देण्यात आले.
महाराष्ट्राचे आराध्य दैवत, देशाची अस्मिता असलेले छत्रपती शिवाजी महाराज यांची कर्नाटक राज्यातील राजधानी बंगरूळ येथे पुतळ्याची विटंबना झाल्याचा धक्कादायक प्रकार घडल्यानंतर देखील राज्यातील भाजपा सुस्त पद्धतीने बसलेले आहे. छत्रपतींच्या पुतळ्याची विटंबना हा देशवासियांच्या भावना आणि राष्ट्राच्या अस्मितेवर हल्ला करणारा आहे. पुतळा विटंबनेच्या या घटनेबद्दल महाराष्ट्रासह तमाम देशवासियांच्या भावना अत्यंत तीव्र असून मुक्ताईनगर तालुका राष्ट्रवादी काँग्रेस पक्षातर्फे या घटनेचा तीव्र निषेध करण्यात आला. दरम्यान, दोषींवर कठोरात कठोर कारवाई करण्यात यावी आणि भविष्यात या घटनांची पुनरावृत्ती होऊ नये तसेच यासंदर्भात दक्षता घ्यावी अशी मागणी निवेदनाद्वारे करण्यात आली आहे.
प्रसंगी मुक्ताईनगर तालुका राष्ट्रवादी काँग्रेस पार्टीचे तालुकाध्यक्ष यु.डी.पाटील, जिल्हा सरचिटणीस ईश्वर रहाणे, विलास तायडे, बापु ससाणे, विलास तायडे, विजय सोनार, विकास पाटील, सुभाष पाटील, सोपान दुट्टे व पवनराजे पाटील यांच्या सह कार्यकर्ते उपस्थित होते.
हे देखील वाचा :
- 500 वर्षांचा वनवास संपला! प्राणप्रतिष्ठेनंतर रामलल्ला यांची पहिली झलक समोर
- राम मंदिर सर्वसामान्यांसाठी कधी खुले होणार? फी किती असेल… जाणून घ्या संपूर्ण प्रक्रिया
- अतिशय स्वस्तात महाराष्ट्रातील ‘या’ धार्मिक स्थळांना भेट देण्याची संधी ! IRCTC चं पॅकेज लॉन्च
- आजपासून तुळशी विवाहाला सुरुवात ; यंदा लग्नाची विक्रमी धामधूमचा अंदाज, असे आहेत विवाह मुहूर्त?
- आज लक्ष्मीपूजनासाठी दोन शुभ मुहूर्त ; जाणून घ्या वेळ?