जळगाव लाईव्ह न्यूज । ५ फेब्रुवारी २०२२ । यावल तालुक्यातील आडगाव येथे उसनवार दिलेले पैसे मागितल्याच्या कारणावरून एकाला कुऱ्हाडीच्या दांड्याने मारहाण केल्याचा प्रकार समोर आला आहे. याप्रकरणी यावल पोलिसात एकावर गुन्हा दाखल करण्यात आला.
सविस्तर प्रकार असा की, सुरेश मकडू पाटील (वय ५०, रा.आडगाव) यांनी गावातील योगेश मुरलीधर पाटील याला उसनवारीने पैसे दिले होते. बुधवारी (दि.२) सकाळी सुरेश पाटील यांनी उसनवारीने दिलेले पैसे योगेश कडे परत मागितले होते. याचा राग आल्याने योगेशने कुऱ्हाडीच्या दांड्याने सुरेश पाटील यांना बेदम मारहाण केली. त्यात ते गंभीर जखमी झाले. त्यांना यावल ग्रामीण रुग्णालयात दाखल केले होते. याप्रकरणी सुरेश पाटील यांच्या फिर्यादीवरून योगेश पाटील याच्या विरोधात गुन्हा दाखल करण्यात आला. तपास पोलिस नाईक संदीप सूर्यवंशी करत आहे.
हे देखील वाचा :
- गाड्यांचे सायलेन्सर चोरी करणारी टोळी जळगाव स्थानिक गुन्हे शाखेच्या जाळ्यात
- अरे देवा! जळगावच्या महिलेला सायबर ठगाने 9 लाख 82 हजारात फसविले
- Jalgaon : ड्युटीवरून घरी येताच तरुणाने उचललं नको ते पाऊल
- Jalgaon : 22 वर्षीय विवाहितेने उचललं नको ते पाऊल.. कुटुंबीयांना बसला धक्का
- भरधाव ट्रक कलंडला ; गाडीखाली सापडून चालकाचा मृत्यू