जळगाव लाईव्ह न्यूज । २ फेब्रुवारी २०२२ । चोपडा शहरातील बस स्थानकाजवळ ओमिनी चालकाकडून दरोडेखोरांनी ६ हजार ३०० रुपये रोख पळवून नेले होते. सोमवारी सकाळी ही घटना घडली होती. या घटनेत शहर पोलिसांनी संशयित भामट्याला अटक करत त्याची चोपडा शहर पोलिसांनी मंगळवारी मुख्य बाजारपेठेतून धिंड काढली.
फिर्यादी हारून शेख कमरोद्दीन यांची ओमिनी कार (क्र.एम.एच.१९-०९२९) संशयित भैय्या पाटील याने, चोपडा बस स्थानकाजवळ अडवली. तर तीन अनोळखी संशयितांनी त्यांना शिविगाळ व दमदाटी केली. तसेच टकल्या गवळी याने मारहाण केली होती. संशयितांनी फिर्यादीच्या पॅन्टच्या खिशातील ६ हजार ३०० रुपये हिसकावून घेतले होते. याप्रकरणी चोपडा शहर पोलिसांत पाच जणांविरुद्ध गुन्हा नोंदविण्यात आला आहे.
या घटनेतील संशयित भामट्याला अटक करत त्याची धिंड काढली. इतर चार संशयित पसार आहेत. संशयित गवळीला अमळनेर न्यायालयाने ३ दिवसांची पोलिस कोठडी सुनावली.
हे देखील वाचा :
- चोपड्यात अमली पदार्थांवर पोलिसांचा दणका; ७ किलो गांजासह तीन तस्करांना अटक!
- जळगावात अज्ञात वाहनाच्या धडकेत दुचाकीस्वाराचा जागीच मृत्यू
- भडगाव हादरले ! दारूच्या पैशांवरून पत्नीची निर्घृण हत्या, आरोपी पती अटकेत
- भुसावळातील माजी सैनिकाची १० लाखांची फसवणूक; सायबर ठगांनी असा लावला चुना?
- पंढरपूर वारीवरून परतणाऱ्या यावल तालुक्यातील भाविक महिलेचा एसटीच्या धडकेत मृत्यू
