जळगाव लाईव्ह न्यूज । १५ मार्च २०२१ । एरंडोल शहरातील गांधीपुरामधील प्रौढाचा नदीच्या पाण्यात बुडून मृत्यू झाल्याची घटना घडली आहे. सुरेश सखाराम कुदाळे (वय-४३) असे मृत तरुणाचे नाव असून याबाबत एरंडोल पोलीस ठाण्यात अकस्मात मृत्यूची नोंद करण्यात आली आहे.
सुरेश कुदाळे हे गेल्या अनेक दिवसांपासून दारूचे व्यसन होते. १४ मार्च रोजी सायंकाळी दारूच्या नशेत असतांना नदीच्या पाण्यात पडले, त्यात त्यांचा पाण्यात बुडून मृत्यू झाला. सुरेश कुदाळे यांना दारू पिण्याची प्रचंड सवय होती. त्यात दारूच्या नशेत आत्महत्या केली असावी असा अंदाज नातेवाईकांनी केला आहे.
याप्रकरणी एरंडोल पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलीस नाईक अनिल पाटील हे करीत आहे.
