जळगाव लाईव्ह न्यूज । २९ जानेवारी २०२२ । पोलीस भरतीची तयारी करणाऱ्या राज्यातील तरुणांसाठी एक महत्त्वाची बातमी आहे. राज्यात लवकरच पोलीस भरती (Maharashtra Police Recruitment) होणार आहे. पोलीस खात्यात आता नव्याने 7 हजार 200 पदांसाठी भरती होणार असल्याची माहिती राज्याचे गृहमंत्री दिलीप वळसे पाटील (Maharashtra Home Minister Dilip Walse Patil) यांनी माहिती दिली आहे.
राज्य मंत्रिडळात या संदर्भात निर्णय झाला असून लवकरच भरती प्रक्रिया राबवण्यात येणार असल्याचंही त्यांनी सांगितलं आहे. अहमदनगर येथे पत्रकारांशी संवाद साधताना त्यांनी ही माहिती दिली
राज्याचे गृहमंत्री दिलीप वळसे पाटील यांनी म्हटलं, पोलीस भरतीच्या संदर्भात राज्यात 5200 पोलिसांच्या भरतीचं काम जवळपास पूर्णत्वाच्या दिशेने आहे. लेखी परीक्षा झाल्या, शारीरिक चाचण्या झाल्या आहेत. आता या संदर्भातील अंतिम यादी जाहीर करण्याचं काम आहे.
दुसऱ्या टप्प्यात आणखी 7200 पोलिसांच्या भरतीच्या संदर्भात राज्य मंत्रिमंडळाने निर्णय घेतला आहे आणि या संदर्भातील भरती प्रक्रियेची सुरुवात आता येत्या काही दिवसात सुरू करायची आहे असंही गृहमंत्री दिलीप वळसे पाटील यांनी म्हटलं.
हे देखील वाचा :
- पदवीधरांना सरकारी बँकेत नोकरीचा चान्स; ५४५ जागांसाठी भरती, पगार ८५,९२०..
- पदवीधरांसाठी सुवर्णसंधी! MPSC मार्फत तलाठी, लिपिक, कर सहाय्यकासह 5,707 पदांची मेगाभरती!
- महिलांसाठी सुवर्णसंधी! राज्यात अंगणवाडी सेविका आणि मदतनिसांच्या ४,९४३ पदांची महाभरती
- पदवी पाससाठी सरकारी नोकरीचा गोल्डन चान्स! तब्बल 7365 पदांसाठी मेगाभरती
- ग्रॅज्युएट्स उमेदवारांना सरकारी नोकरीची सुवर्णसंधी! नॅशनल इन्शुरन्स कंपनीत 500 पदांची भरती
