जळगाव लाईव्ह न्यूज । २१ जानेवारी २०२२ । तालुक्यातील ममुराबाद येथील रहिवासी असलेल्या एका विद्यार्थ्यांच्या हातातील मोबाईल हिसकावून पळ काढल्याप्रकरणी एलसीबीच्या पथकाने एकाला अटक केली होती. पोलिसांनी त्याची चौकशी केल्यानंतर त्याने हा गुन्हा विक्की उर्फ माया गणेश शिंदे याच्या साथीने चोरला असल्याचे सांगितल्यावरून शुक्रवारी त्याला अटक करण्यात आली आहे.
ममुराबाद येथील विद्यार्थी रवींद्र वाघोडे हा गावाहून जळगावी येत असताना ममुराबाद ते म्हाळसा देवी मंदिर बोर्डापासून कचरा खदान दरम्यान दुचाकीवर आलेल्या दोघांनी त्याचा रास्ता अडवत खिशातील मोबाईल जबरदस्तीने काढून घेतला होता. याप्रकरणी तालुका पोलिसात गुन्हा दाखल करण्यात आला होता. स्थानिक गुन्हे शाखेचे निरीक्षक किरणकुमार बकाले यांनी याप्रकरणी मोबाईल ट्रेसिंग करून वर्षभरापूर्वी चोरी गेलेल्या मोबाईलची माहिती काढून हवालदार संदीप साळवे, विजय शामराव पाटील, अविनाश देवरे यांचे पथक तयार केले होते. पथकाने राकेश गोकुळ राठोड रा.गणपती नगर याला ताब्यात घेतले होते. चौकशीत त्याने चोरलेला ५ हजार रुपये किमतीचा मोबाईल काढून दिला होता.
राठोडची अधिक चौकशी केली असता त्याने हा गुन्हा विक्की उर्फ माया गणेश शिंदे रा.कांचननगर याच्या साथीने केल्याची कबुली दिली आहे. राकेश गोकुळ राठोड याला पुढील चौकशीकामी त्याला तालुका पोलिसांच्या स्वाधीन करण्यात आले आहे.
हे देखील वाचा :
- अमळनेरमध्ये भीषण अपघातात तरुणाचा मृत्यू ; दोन महिन्यापूर्वी झाला होता प्रेमविवाह
- भीषण! चोपड्यात ब्रेक फेल झालेल्या एसटीने दोन दुचाकीस्वारांसह चौघांना चिरडले
- लाच भोवली ! ग्रामपंचायत अधिकाऱ्याच्या एसीबीने सिनेस्टाईल आवळल्या मुसक्या
- तेलंगणातील खून प्रकरणातील फरार आरोपीला जळगावमधून ठोकल्या बेड्या
- चाळीसगावात दोन कारची समोरसमोर धडक ; मालेगावचे दोघे जागीच ठार
