जळगाव लाईव्ह न्यूज । २८ फेब्रुवारी २०२२ । मुलगी अल्पवयीन असून देखील तिचे लग्न लावून दिल्याने पतीने तिच्यावर अत्याचार केल्याचा प्रकार समाेर आला आहे. या अत्याचारातून अल्पवयीन मुलगी तीन महिन्यांची गरोदर राहिली असून याप्रकरणी पतीसह लग्न लावून देणार्‍या ७ जणांविरूद्ध शनिपेठ पोलीस ठाण्यात गुन्हा दाखल करण्यात आला आहे.
याबाबत असे की, जामनेर तालुक्यात राहणाऱ्या या १६ वर्षीय मुलीचे लग्न जून २०२१ मध्ये लावून देण्यात आले. यानंतर पतीने तीला जळगाव शहरात रहिवासाला आणले. तिच्यावर अत्याचार केले. चारीत्र्यावर संशय घेऊन तीला मारहाण केली. अत्याचारातून मुलगी गर्भवती राहिली आहे. पतीच्या त्रासाला कंटाळुन अखेर या मुलीने ८ फेब्रुवारी रोजी घरातून पळून जात थेट इंदूर (मध्यप्रदेश) गाठले. नातेवाइकांचे घर माहित नसल्याने तीला तेथेही भीती वाटू लागली. या मुलीने अखेर इंदूर पोलिसांकडे धाव घेतली.
पोलिसांनी तीला महिला व बालकल्याण समितीसमोर हजर केले. तेथे मुलीने आपबीती सांगीतली. यानंतर इंदूर पोलिसांनी मुलीस शनिपेठ पोलिस ठाण्यात आणले. या प्रकरणी स्वत: मुलीने दिलेल्या फिर्यादीवरुन तीची आई, पती व इतर जवळच्या सात नातेवाइकांच्या विरुद्ध शनिपेठ पोलिस ठाण्यात गुन्हा दाखल करण्यात आला. पोलिस निरीक्षक बळीराम हिरे तपास करीत आहेत.
हे देखील वाचा :
- मनपा आयुक्त ऍक्शन मोडवर : उपमहापौरांच्या प्रभागात केली रस्त्यांची पाहणी
- विज पडुन जिवीत हानी होऊ नये यासाठी ‘दामिनी’ ॲप डाउनलोड करा
- मुक्ताईनगर पोलिसांची मोठी कारवाई : 15 लाखांचा गुटखा केला नष्ट
- महिलेसह मुलाला बेदम मारहाण करणाऱ्या ‘त्या’ सहा आरोपींना झाली अटक
- अभिमानास्पद : खान्देश कन्या कवियीत्री बहिणाबाई चौधरी यांचे लवकरच येणार टपाल तिकीट
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
