जळगाव लाईव्ह न्यूज । ४ एप्रिल २०२१ । जळगाव शहरातील वेगाने वाढत असलेल्या कोरोनाच्या पार्श्वभूमीवर शहराचे उपमहापौर कुलभूषण पाटील यांनी शहरात असलेल्या सर्व कोविड सेंटरची आज पाहणी केली. यावेळी कोविड सेंटरमधील अनेक खाटा या रिकाम्या असल्याचे निदर्शनास आले.
यामधे शासकीय तंत्रानिकेत महाविद्यालय, महापालिकेचे कोविड केअर सेंटर, शासकीय वैद्यकीय महाविद्यालयातील कोविड केअर सेंटर तसेच शहरातील इतर कोविड केअर सेंटर्स चा ही समावेश आहे.
कोविड केअर सेंटरची पाहणी केल्यानंतर उपमहापौर यांनी शासकीय वैद्यकीय महाविद्यालयाचे अधिष्ठाता जयप्रकाश रामानंद यांना भेट देऊन महाविद्यालयातील असलेल्या समस्यांचा आढावा घेतला. यावेळी महाविद्यालयात उपलब्ध असलेले व्हेंटिलेटर्सची देखील माहिती घेतली. यावेळी मनपाचे आरोग्य अधिकारी डॉ.रावलानी, महिला बालविकास समिती सभापती रंजना सपकाळे, नगरसेवक प्रा. सचिन पाटील , नवनाथ दारकुंडे, दिलीप पोकळे, रेश्मा काळे, प्रतिभा देशमुख, चेतन सनकत, प्रतिभा पाटील, किशोर बाविस्कर आदींची उपस्थिती होती.
यापुढे शहरात विनामास्क फिरणाऱ्यांवर स्वतः महापौर व उपमहापौर रस्त्यावर उतरून कारवाई करणार आहे , असा इशारा ही उपमहापौर कुलभुषण पाटील यांनी दिला आहे.
