जळगाव लाईव्ह न्यूज । २८ मार्च २०२४ । भुसावळ विभागातील रेल्वे प्रवाशांसाठी आणखी एक आनंदाची बातमी आहे. रेल्वे गाड्यांना असलेली प्रवाशांची अतिरिक्त गर्दी लक्षात घेऊन रेल्वे प्रशासनाने ओखा – मदुराई विशेष रेल्वे गाडीचा कालावधी वाढवला आहे. या गाडीला जळगावसह भुसावळ रेल्वे स्थानकावर थांबा असल्याने जिल्ह्यातील प्रवाशांची सोय झाली आहे.
०९५२० ओखा मदुराई साप्ताहिक विशेष गाडी आता २९ एप्रिल २०२४ पर्यंत चालवण्यात येईल. परतीच्या प्रवासात ०९५१९ मदुराई ओखा गाडी ३ मेपर्यंत सेवा देईल. गाडीची वेळा थांबा आणि रचना यामध्ये कोणताही बदल झालेला नाही.
या स्थानकांवर आहेत थांबा :
ही गाडी द्वारका, जामनगर, राजकोट, सुरेंद्रनगर, अहमदाबाद, नडियाद, आनंद, वडोदरा, भरूच, सुरत, नंदुरबार, अमळनेर, जळगाव, भुसावळ, अकोला, पूर्णा, ह.साहिब नांदेड, निजामाबाद, काचीगुडा, महबूबनगर डॉन, गूटी , रेनिगुंटा, कटपाडी, वेल्लोर कॅन्टोन्मेंट, तिरुवन्नमलाई, विल्लुपुरम, श्रीरंगम, तिरुचिरापल्ली, मानापराई, दिंडीगुल, कोडाईकनाल रोड आणि कुडालनगर स्टेशन.
दरम्यान, यापूर्वी रेल्वे प्रशासनाने भुसावळ विभागातून धावणाऱ्या बलिया, गोरखपूर, मडगाव, नाशिक बडनेरा या – विशेष गाड्यांच्या कालावधीत वाढ केली आहे. मुदतवाढ केलेल्या गाड्यांमध्ये ०१०२५ दादर ते बलिया गाडीची मुदत २९ मार्चपर्यंत होती. ती आता ३० जून २०२४ पर्यंत धावेल. ०१०२६ बलिया ते दादर विशेष गाडीची मुदत ३१ मार्चपर्यंत होती. ती आता ३ जुलैपर्यंत चालेल.
तसेच ०१०२७ दादर ते गोरखपूर विशेष गाडी ३१ मार्चऐवजी ३० जूनपर्यंत धावेल. ०१०२८ गोरखपूर ते दादर गाडी २ एप्रिलऐवजी आता २ जुलैपर्यंत चालवली जाईल. ०११३९ नागपूर ते बडनेरा द्वि साप्ताहिक गाडी ३० मार्चऐवजी आता ८ जून २०२४ पर्यंत धावेल. ०११४० मडगाव ते नागपूर द्वि साप्ताहिक गाडी ३१ मार्चऐवजी ९ जूनपर्यंत धावणार आहे.
