जळगाव लाईव्ह न्यूज । २१ ऑक्टोबर २०२२ । जगभरातील बहुतांश मोबाईल गुगलच्या अँड्रॉइड प्रणालीचा उपयोग करून कार्यरत असतात. गुगल नेहमी आपल्या प्रणालीत सुधारणा करीत नवनवीन अपडेट आणत असते. गुगलने या वर्षी ऑगस्टमध्ये Android 13 मोबाइल ऑपरेटिंग सिस्टमचे अनावरण केले होते. आता गुगल त्यात आणखी बदल करीत असून काही महिन्यांनी कंपनीकडून अँड्रॉइड 13 गो एडिशन मोबाइल ऑपरेटिंग सिस्टमचे अनावरण केले जाणार आहे. गो एडिशनचा उपयोग जगभरातील अंदाजे 250 दशलक्ष बजेट स्मार्टफोनला होणार आहे.
गुगलने आपल्या अँड्रॉइड १२ प्रणालीत अनेक नवनवीन फिचर दिले होते. जगभरात विशेषतः विकसनशील देशात बजेट फोनची मागणी वाढत असून त्यात अधिक सुधारणा करण्यासाठी गुगल देखील प्रयत्नशील आहे. गुगलने पूर्वी लॉन्च केलेल्या Android 12 Go Edition वर अनेक प्रमुख अपडेट आणले होते. ज्यात दीर्घ बॅटरी आयुष्य, वेगवान अँप लॉन्च आणि सोपे अँप सामायिकरण असे अनेक पर्याय समाविष्ट होते. गुगलने आता अगोदर असलेले बजेट स्मार्टफोन अधिक स्मार्ट बनविण्यावर लक्ष केंद्रित केले आहे.
गुगलने ऑगस्टमध्ये आपल्या नवीन अँड्रॉइड १३ प्रणालीचे अनावरण केले होते. नुकतेच गुगल अँड्रॉइड 13 गो एडिशनसह, Google बजेट स्मार्टफोनमध्ये Google Play सिस्टम अपडेट आणत आहे. यामुळे बजेट स्मार्टफोन्सला नियमितपणे मुख्य Android रिलीजच्या बाहेर महत्त्वाचे सॉफ्टवेअर अपडेट्स मिळू शकणार आहेत. सोप्या भाषेत सांगायचे तर, Google Play सिस्टीम अँप अपडेटसह सुरक्षा प्रणाली अधिक मजबूत करण्यावर त्यात भर दिलेला असणार आहे. यामुळे डिव्हाइसवरील स्टोरेज उपलब्धतेशी तडजोड न करता गंभीर अपडेटचे वितरण जलद आणि सोपे होईल.
नवीन अपडेटमुळे जो मोबाईल काही कालावधीनंतर अपडेट होणार असतो त्यासाठी तुम्हाला पुढील रिलीझची प्रतीक्षा करावी लागणार नाही किंवा तुमच्या फोनच्या निर्मात्याकडून नवीनतम आणि उत्कृष्ट सॉफ्टवेअर पुश होण्याची गरज नाही. गुगलने आपल्या ब्लॉग पोस्टमध्ये असे स्पष्ट केले. अँड्रॉइड 13 गो एडिशनमध्ये नवीन ‘डिस्कव्हर’च्या रूपात ‘बिल्ट-इन इंटेलिजन्स’ देखील आहे जे वापरकर्त्यांना लेख आणि इतर सामग्रीची क्युरेट केलेली सूची पाहण्यासाठी त्यांच्या होम स्क्रीनवरून उजवीकडे स्वाइप करण्यास सक्षम करेल.
गुगलच्या म्हणण्यानुसार Android Go Edition डिव्हाइसेसवर येणार्‍या सर्वात मनोरंजक वैशिष्ट्यांपैकी एक म्हणजे कंपनीची मटेरिअल यू थीम. या अपडेट फिचरमुळे Android 13 Go Edition स्मार्टफोन्सला इतर Android प्रमाणे डिझाइन सेटिंग आणि थीम मिळणार आहे. नवीन ऑप्शन Android Go वर मटेरियल लागलीच आणते जेणेकरून तुम्ही तुमच्या वॉलपेपरशी समन्वय साधण्यासाठी तुमच्या संपूर्ण फोनची रंगसंगती एकरूप किंवा मिळतीजुळती करू शकतात.
मुळात म्हणजे जेव्हा तुम्ही तुमची वॉलपेपर इमेज सेट करता, तेव्हा तुम्हाला निवडण्यासाठी चार संबंधित रंग योजना दिसतील. सुंदर होम स्क्रीन बनवण्यासोबतच, डायनॅमिक कलरिंग खरोखरच तुमचा स्मार्टफोन तुम्हाला अद्वितीय वाटण्यास मदत करेल असे कंपनीचे म्हणणे आहे. एक महत्वाची बाब म्हणजे Android 13 Go Edition ला किमान 2GB RAM आणि 16GB फ्लॅश स्टोरेज आवश्यक आहे, जे Android 11 Go Edition आणि Android 12 Go Edition OS च्या 1GB RAM च्या गरजेतील एक प्रमुख पाऊल आहे. .
गुगलने असे देखील म्हटले आहे की, Android 13 Go Edition OS 2023 मध्ये सर्व समर्थित डिव्हाइसेसवर येईल. गुगलच्या नवीन प्रणालीमुळे बजेट फोन देखील अधिक स्मार्ट होणार असून कमी किमतीत ग्राहकांना मोबाईलमध्ये काहीतरी नवीन आणि वेगळाच अनुभव घेता येणार आहे.