जळगाव लाईव्ह न्यूज । १० जून २०२२ । चारचाकी अडवून मोबाईलसह रोकड लुटल्याची घटना दि. ८ रोजी पारोळा येथे घडली. या प्रकरणी पारोळा पोलिसांत अनोळखी भामट्या विरुद्ध गुन्हा दाखल झाला आहे.
पारोळा तालुक्यातील मंदाने येथील रहिवासी अमोल दगडू पाटील (वय ४०) हे दि. ८ रोजी रात्री ९.३० वाजेच्या सुमारास पारोळा येथून त्यांच्या गावी मंदाने येथे (क्र.एचएच १४ ए.इ ४३१७) कारने हिचेने नॅशनल हायवे क्र.६ जात असताना सत्यनारायण मंदिराजवळ अनोळखी तीन भामट्याने त्यांची गाडी अडवली व हातातील लाकडी दांड्याचा धाक दाखवून १० हजार रु. किमतीचा मोबाईल, १,२६० रु. रोकड जबरदस्तीने काढून घेतले. या प्रकरणी पाटील यांनी दि. ९ रोजी पोलिसांत फिर्यादी दिली. त्यानुसार अनोळखी भामट्या विरुद्ध भादवी कलम ३९२,३४ प्रमाणे गुन्हा दाखल झाला आहे. तपास सनोपी, रवींद्र बागुल करीत आहे.