जळगाव लाईव्ह न्यूज । २१ जुलै २०२२ । दारूच्या नशेत युवकाला एका व्यक्तीने लोखंडी वस्तूने मारहाण केली. तसेच त्याच्या मित्राच्या हाताच्या उजच्या अंगठ्याला चावा घेऊन जखमी केल्याची घटना शहरातील शिवाजीनगरातील हुडको भागात घडली आहे. याबाबत शहर पोलिसांत गुन्हा दाखल करण्यात आला आहे.
शिवाजीनगर हुडको येथे राहणारा रिक्षाचालक युवकाने याबाबत पोलिसांत तक्रार दिली. त्यानुसार संशयित गोपी उर्फ गोपीमामा धोबी (रा. गीतेश्वर बिल्डिंग, शिवाजीनगर हुडको) यांच्याविरुद्ध गुन्हा दाखल करण्यात आला आहे. मंगळवारी दुपारी ३.३५ वाजेच्या सुमारास ही घटना घडली. म्हणजे शहरातील शिवाजीनगरातील हुडको भागात फिर्याद युवक असताना त्याला संशयित गोपी उर्फ गोपीमामा धोबी (रा. गीतेश्वर बिल्डिंग, शिवाजीनगर हुडको) याने लोखंडी वस्तूने मारहाण केली. तसेच त्याच्या मित्राच्या हाताच्या उजव्या अंगठ्याला चावा घेऊन जखमी केले. दोघांनाही शिविगाळ करुन धमकी दिली. या प्रकरणी त्याने शहर पोलिस ठाण्यात फिर्याद दिली आहे.