जळगाव लाईव्ह न्यूज । दीपक श्रावगे । सावदा येथे नेहमी विविध समाज उपयोगी कामात अग्रेसर असलेले गजानन नामदेव ठोसरे यांनी पुन्हा एकदा समाज उपयोगी कार्य म्हणून शहरातील विविध सर्वधर्मीय देवस्थान येथे सिमेंट चे बाकडे भेट दिले. आगामी काळात आणखीन विविध समाज उपयोगी कार्य देखील राबविणार असल्याचे ठोसरे यांनी यावेळी सांगितले.
सावदा शहरातील धार्मिक ठिकाण असलेल्या ठिकाणी हे बेंच त्यांचे स्वर्गवासी भाऊ सचिन नामदेव ठोसरे यांचे स्मरणार्थ त्यांनी हे बेंच भेट दिले. यात सावदा येथील क्रांती चौकातील गणपती मंदीर, सितला माता मंदिरे, शनी मंदीर, इंगळे वाडा मुंजोबा मंदीर, पनापीर बाबा दर्गाह, जमादार मोहल्ला दर्गाह, गवत बाजार महादेव मंदीर, गांधी चौक मारोती मंदीर यासह विविध ठिकाणी हे बेंच भेट देण्यात आले. यावेळी गजानन ठोसरे यांचेसह मधुकर चौधरी, प्रदीप भंगाळे आदी उपस्थित होते.
