जळगाव लाईव्ह न्यूज । २० फेब्रुवारी २०२२ । तापी नदी पात्रामध्ये मित्रांसोबत पोहण्यासाठी गेलेल्या २० वर्षीय तरुणाचा बुडून मृत्यू झाला आहे. अक्षय राजू सपकाळे (वय २०) असे मृत तरुणाचे नाव असून या घटनेने परिसरात शोककळा पसरली आहे.
याबाबत असे की, जळगाव तालुक्यातील धामणगाव येथील रहिवासी अक्षय राजू सपकाळे हा तुरखेड शिवाराजवळ तापी नदी पात्रामध्ये मित्रांसोबत पोहण्यासाठी गेला होता. सकाळी नऊ वाजेच्या सुमारास पाण्याच्या खोलीचा अंदाज न आल्याने तो बुडायला लागला. सोबतच्या मित्रांनी आणि ग्रामस्थांनी त्याला तातडीने बाहेर काढून शासकीय वैद्यकीय महाविद्यालय व रुग्णालयात उपचारासाठी दाखल केले.
मात्र तेथे वैद्यकीय अधिकारी डॉ. प्राची सुरतवाला यांनी तपासून त्यास मृत घोषित केले. यावेळी कुटुंबीयांनी एकच आक्रोश केला. अक्षय सपकाळे याचे आई, वडील शेती करतात. त्याच्या पश्चात आई, वडील, भाऊ असा परिवार आहे.
हे देखील वाचा :
- ‘न्याय विश्वास फाउंडेशन’च्या कायदेविषयक शिबिराला उत्स्फूर्त प्रतिसाद ; ६०० हून अधिक नागरिकांनी घेतला लाभ
- पितृपक्षात अंगारकी चतुर्थी; मंगळ ग्रह मंदिरात दर्शनासाठी भाविकांनी यावे
- जळगावात रंगणार भावगीतांचा सुरेल संग्राम; २७ सप्टेंबरला ‘गोदावरी करंडक भावगीत स्पर्धा आयोजित
- गोदावरी अभियांत्रिकी महाविद्यालयाच्या यंत्र विभागाच्या विद्यार्थ्यांना प्रत्यक्ष औद्योगिक अनुभव
- दुष्काळग्रस्त भागातील विद्यार्थ्यांना संपूर्ण परीक्षा शुल्कमाफी; अभाविपच्या मागणीला यश
