जळगाव लाईव्ह न्यूज । ४ जानेवारी २०२२ । जिल्ह्यात प्रत्येक शिवभोजन केंद्रात सीसीटीव्ही यंत्रणा बसवणे अनिवार्य केले असून, ही कार्यवाही ३१ जानेवारीपर्यंत पूर्ण करण्याची सूचना पुरवठा विभागाने सर्व केंद्रचालकांना दिली आहेत. शिवभोजन योजनेची अधिक प्रभावीपणे अंमलबजावणी व केंद्रांवर नियंत्रण ठेवण्यासाठी हा निर्णय घेण्यात आला आहे.
संपूर्ण केंद्राची जागा व्यापेल अशा पद्धतीने सीसीटीव्ही यंत्रणा बसवावी व शिवभोजन वाटपाच्या कालावधीतील कमीत कमी मागील ३० दिवसांचे प्रक्षेपण तपासणीसाठी उपलब्ध राहील याची दक्षता घ्यावी, असे म्हटले आहे. प्रक्षेपणाचा डाटा आवश्यकता असेल तेव्हा तपासणीसाठी पेन ड्राइव्हमध्ये वा स्टोरेज डिव्हाइसमध्ये उपलब्ध करून द्यावा. केंद्राच्या ठिकाणी वीजपुरवठा खंडित होण्याची शक्यता विचारात घेऊन पर्यायी व्यवस्था करणे आवश्यक आहे.
शिवभोजन केंद्राची बिले अदा करताना तसेच कोणत्याही प्रकारची तक्रार प्राप्त झाल्यास किंवा अनियमितता आढळून आल्यास केंद्रातील प्रक्षेपणाची तपासणी करून कारवाई करण्यात येणार आहे. तक्रारप्राप्त प्रकरणांवर अंतिम आदेश देईपर्यंत संबंधित प्रक्षेपण जतन करण्यासाठी आवश्यक उपाययोजना करावी, अशा सूचना केंद्रचालकांना दिल्या आहेत.
हे देखील वाचा :
- जळगाव जिल्ह्यातील शेतकऱ्यांना फळपिक विमा योजनेसाठी ‘फॉर्मर आयडी’ अनिवार्य
- डॉ. उल्हास पाटील रूग्णालयात पर्यावरण दिनानिमित्त ३५१ रोपट्यांचे रोपण
- जळगावात ‘प्रधानमंत्री नॅशनल ॲप्रेंटिसशिप’ भरती मेळाव्याचे आयोजन; नोंदणी कशी आणि कुठे कराल
- Rain Alert : आज राज्यातील २३ जिल्ह्यांना पावसाचा अलर्ट दिला ; जळगावात कशी राहणार स्थिती?
- रावेर येथे महत्त्वाच्या गाड्यांना थांबा देण्यासाठी रक्षा खडसेंची रेल्वे बोर्डाच्या चेअरमनाकडे मागणी
