जळगाव लाईव्ह न्यूज । १० मार्च २०२१ । यावल कृषी उत्पन्न बाजार समितीला राज्य शासनाकडून कोरोनाच्या पार्श्वभूमीवर पुनश्च सहा महीन्यांची मुदत वाढ मिळाली आहे. 

निवडणूका नियत झालेल्या राज्यातील बाजार क्षेत्रात काम करणाऱ्या कृषी पत संस्था व बहुउद्देशीय सहकारी संस्था यांच्या निवडणुका पुनश्च ९ मार्च २०२१ पासून ते ८ / ९ / २०२१ पर्यंतची मुदतवाढ देण्यात आल्याचे शासन आदेश जयंत भोईर कार्यसन अधिकारी , महाराष्ट्र शासन यांचे पत्र प्राप्त झाले आहे.

जिल्ह्याचे पालकमंत्री ना. गुलाबराव पाटील यांच्या प्रयत्नाने व चोपडा व यावल विधानसभा मतदारसंघाचे कार्यसम्राट माजी आमदार चंद्रकांत बळीराम सोनवणे,आमदार लताताई सोनवणे यांच्या प्रयत्नाने यावल कृषी उत्पन्न बाजार समितीला पुनश्च सहा महिन्याची मुदतवाढ देण्यात आलेली आहे. यावल कृषी उत्पन्न बाजार समितीच्या कार्यकारी संचालक मंडळाची मुदतही ८/ ९ / २०२० रोजी संपुष्टात आली असून, कृषी उत्पन्न बाजार समिती अधिनियम १९६४ कलम१४ (३) अनुसार शासन नियमा अधिकाराचा वापर करीत १७ /९ /२०२० रोजीच्या आदेशान्वये ८ / ३ / २०२०पर्यंत मुदतवाढ देण्यात आली होती.

महाराष्ट्र राज्यात पुनश्च उदभवलेल्या कोरोना विषाणु( कोवीड१९च्या गंभीर परिस्थितीचा विचार करता संसर्ग विषाणुचा प्रादुर्भाव टाळण्यासाठी राज्यात प्रबळ अमलबजावणी सुरू आहे. निवडणुका नियत झालेल्या राज्यातील बाजार क्षेत्रात काम करणाऱ्या कृषी पत संस्था  व बहुउद्देशीय सहकारी संस्था यांच्या निवडणुका पुनश्च ९ मार्च २०२१पासुन ते ८ / ९ / २०२१पर्यंतची मुदतवाढ देण्यात आल्याचे शासन आदेश जयंत भोईर कार्यसन अधिकारी , महाराष्ट्र शासन यांचे पत्र प्राप्त झाले आहे.

जळगाव लाईव्ह न्यूज । १० मार्च २०२१ ।कोरोना संदर्भात शासनाने घालून दिलेल्या नियमांचे उल्लंघन केल्याने चार व्यवसायिकांवर दंडात्मक कारवाई करत चारही दुकाने सील करण्यात आले आहे. ही कारवाई तहसीलदार महेश पवार आणी पोलीस निरीक्षक सुधीर पाटील आणी नगर परिषद प्रशासन यांच्या माध्यमातुन आज शहरात रस्त्यावर उतरून केली. 

जिल्ह्यात कोरोनाने पुन्हा डोख वर काढले असून रुग्ण संख्या दिवसेंदिवस वाढत आहे. वाढत्या कोरोनाच्या पार्श्वभूमीवर  जिल्हाधिकारी यांनी शासनाच्या आदेशाचे पालन न करणाऱ्या विरूद्ध कारवाई बडगा उगारला आहे. आज यावलचे तहसीलदार महेश पवार यांच्या मार्गदर्शनाखाली निवासी नायब तहसीलदार आर.के. पवार, पोलीस निरिक्षक सुधीर पाटील, नगर परिषद प्रशासनचे विजय बढे, स्वच्छता अधिकारी शिवानंद कानडे यांच्या पथकाने संयुक्त कारवाई केली.

यात शहरातील बुरूज चौकातील पटेल सेन्टर, पापुलर झेरॉक्स व स्टोअर्स, बसस्टॅन्ड परिसरातील जय हिंगलाज स्विट ॲण्ड नास्ता सेन्टर या व्यवसायीकांवर ५ पेक्षा अधिक लोकांना जमविणे तसेच मास्कचा वापर न करणे अशा कोरोना नियमांचे उल्लंघन करतांना आढळुन आल्याने त्यांच्याविरुद्ध दंडात्मक कारवाई करीत त्यांच्या दुकांनासिल करण्यात आले आहे . महसुल प्रशासन , पोलीस आणी नगर परिषदच्या संयुक्त कारवाईचा यावल शहरातील बेसावध व बेशिस्त वागणाऱ्यावर या धडक कारवाईचा चांगलाच परिणाम झाल्याचे दिसुन येत आहे.