पतीला ठार मारण्याची धमकी देऊन भावजयीचा विनयभंग; दोघांविरोधात गुन्हा दाखल

जळगाव लाईव्ह न्यूज । २७ डिसेंबर २०२१ । शहरात एका भागात पतीला मारून टाकण्याची धमकी देऊन भावजयीचा दिराने विनयभंग केल्याची घटना शुक्रवारी घडली. या प्रकरणी दीर व सासऱ्याविरुद्ध विनयभंगाचा गुन्हा दाखल करण्यात आला.

सविस्तर असे की, शहरातील एका भागात ती महिला एकटीच राहत असून, तिचा पती, सासरे व दीर हे दुसरीकडे राहतात. चार दिवसांपासून त्या महिलेचा पती तिच्या घरी आलेला नव्हता. त्यामुळे शुक्रवारी सायंकाळी ६ वाजेच्या सुमारास ती महिला सासरी गेली होती. पतीविषयी तिने सासऱ्यांना विचारणा केली असता तो घरी आला नसून, मरुन गेल्याचे उद्धट उत्तर सासऱ्याने त्या महिलेला दिले. दिरालाही त्यांनी पतीबाबत विचारणा केली. त्याला मरू दे, असे म्हणत दिराने त्या महिलेसोबत लज्जास्पद वर्तन केले.

पतीला मारण्याची धमकीही त्याने दिली. सासऱ्यानेही शिवीगाळ करीत विनयभंग केला. दोघांच्या ताब्यातून सुटका करून महिला तेथून निघून गेली. याप्रकरणी महिलेने शहर पोलिसांत फिर्याद दिली.

हे देखील वाचा :

• जळगावात आणखी एक अपघात; ट्रॅक्टरच्या धडकेत दुचाकीस्वार तरुण ठार
• जळगाव शहरातील महामार्गावर पुन्हा अपघात; दुचाकीस्वार वृद्धाला अज्ञात वाहनाने चिरडले
• Jalgaon : दुचाकी लांबविणारे दोघे चोरटे पोलिसांच्या जाळ्यात
• Pachora : वाळू माफियांकडून महसूल पथकातील कर्मचाऱ्यांना धक्काबुक्की, चौघांना अटक
• धक्कादायक ! अभिनेता सैफ अली खानवर चाकू हल्ला, रुग्णालयात दाखल