जळगाव लाईव्ह न्यूज । ६ मे २०२२ । महाराष्ट्र राज्यात राष्ट्रीय आंतरराष्ट्रीय दर्जाचे खेळाडू घडवण्यासाठी राज्यात प्रतिभावंत खेळाडूंची निवड करुन त्यांना शास्त्रोक्त प्रशिक्षण, शिक्षण, भोजन, निवास, अद्यावत क्रीडा सुविधा, क्रीडा प्रबोधिनीच्या अंतर्गत खेळाडूंना देण्यात येत आहे.
यासाठी सरळ प्रवेश व खेळनिहाय कौशल्य चाचणीव्दारे निवासी व अनिवासी प्रवेश देण्यात येणार आहे. यात अमरावती (आर्चरी व ज्युदो), नागपूर (हॅण्डबॉल व ॲथलॅटिक्स), अकोला (बॉक्सिंग), गडचिरोली (ॲथलॅटिक्स), ठाणे (बॅडमिटन), नाशिक (शुटिंग व ॲथलॅटिक्स), कोल्हापूर (शुटिंग व कुस्ती), औरंगाबाद (ॲथलॅटिक्स व हॉकी), पुणे (टेबल टेनिस, वेटलिफिंटग व जिमनॅस्टिक्स) या खेळनिहाय प्रवेश देण्यात येणार आहे. त्यासाठी ९ ते ११ मे पर्यंत क्रीडाधिकारी कार्यालय येथे अर्ज भरुन द्यावे लागणार अाहे.
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
