जळगाव लाईव्ह न्यूज । ३ जानेवारी २०२२ । यावल तालुक्यातील हबर्डी येथील आदित्य ठाकरे हा १९ वर्षीय तरुण गेल्या तीन दिवसापासून बेपत्ता झाला आहे. महाविद्यालयात जात असल्याचे सांगून घराबाहेर गेला होता गेला होता. परंतु घरी परत न आल्याने कुटुंबीयांनी फैजपूर पोलीस स्थानकात बेपत्ता आल्याची तक्रार दाखल करण्यात आली आहे.
याबाबत असे की, आदित्य ठाकरे हा १ जानेवारी रोजी यावल येथील कला वाणिज्य महाविद्यालयात जात असल्याचं सांगून तो घरून निघून गेला. तेव्हापासून सकाळपासून घरातून बाहेर पडलेला मुलगा सायंकाळीपर्यंत घरी न आल्याने कुटुंबियांना चिंता वाटू लागली.
घरच्या सदस्यांनी याबाबत महाविद्यालयातील मित्रांसह सर्वच ठिकाणी शोध घेतला असता आदित्य काही मिळून आला नाही. त्यानंतर कुटुंबीयांनी नातेवाईकांकडे शोध घेता असता त्यात देखील आदित्य मिळून आला नाही. यामुळे हताश झालेल्या कुटुंबीयांनी फैजपूर पोलीस स्टेशन गाठून मुलगा आदित्य हरविल्याची तक्रार नोंदविली. पुढील तपास सहाय्यक पोलीस निरीक्षण सिद्धेश्वर आखेगावकर यांच्या मार्गदर्शनाखाली हवालदार राजेश बऱ्हाडे करीत आहे.
हे देखील वाचा :
- जळगाव जिल्ह्यातील विविध पोलीस ठाण्यांचे प्रभारी अधिकारी बदलले
- जळगाव विमानतळावर मिळणार आपात्कालीन आरोग्य सुविधा
- सुरतच्या तरुणीला लग्नाचे आमिष दाखवून जळगावातील हॉटेलमध्ये नेलं अन्.. पुढे घडलं धक्कादायक
- खुशखबर! देशातील पहिली ‘वंदे भारत स्लीपर ट्रेन’चा मार्ग निश्चित ; जळगावकरांना होणार फायदा?
- फाटलेल्या नोटांबाबत RBIचा मोठा निर्णय ; आता ‘या’ कामात केला जाणार वापर?
