जळगाव लाईव्ह न्यूज । ६ फेब्रुवारी २०२२ । धरणगाव तालुक्यातील आव्हाणी येथे भगवान पोपट पाटील यांच्या गावाबाहेरील खळ्यात बिबट्याने हल्ला करून गोन्हयाचा फडशा पाडल्याची घटना शुक्रवारी रात्री घडली.
या घटनेची माहिती आव्हाणी येथील सरपंच संगीताबाई सदाशिव पाटील यांनी वनविभागाकडे दिली. वनपरिक्षेत्र अधिकारी सी. एच. लोढे यांच्या मार्गदर्शनाखाली वनपाल आर एच. ठाकरे व पशुसंवर्धन अधिकारी डॉ. भालेराव यांनी घटनास्थळी पाहणी करून पंचनामा केला. तसेच वन्यजीव रक्षक विवेक देसाई यांच्याकडून घटनास्थळी टॅप कॅमेरे बसविण्यात आले. गावातील सर्व ग्रामस्थांनी बिबट्यापासून संरक्षण मिळावे अशी विनंती वनाधिकारी यांना केली व अधिकाऱ्यांनी मार्गदर्शन करून शेतकरीवर्गास रात्री शेतात एकटे न जाण्याचा सल्ला दिला. यावेळी सदाशिव पाटील, प्रा. एन. डी. पाटील, ग्रा. पं. सदस्य सचिन पाटील, उपसरपंच दिलीप पाटील यांच्यासह ग्रामस्थ उपस्थित होते.
हे देखील वाचा :
- जळगावात रंगणार भावगीतांचा सुरेल संग्राम राज्यस्तरीय भावगीत स्पर्धा दि २७ रोजी
- ज्वारी, मका, बाजरीला सरकारचा हमीभाव; जळगाव जिल्ह्यातील ‘या’ १८ ठिकाणी खरेदी केंद्रे..
- आदिवासी बांधवांपर्यंत योजनांची माहिती पोहोचणार; जळगावात ‘सेवा संकल्प अभियान’च्या चित्ररथाचा शुभारंभ
- शिरपूर-चोपडा महामार्गावर भीषण अपघात; मध्यप्रदेशातील चौघांचा जागीच मृत्यू
- गणेशोत्सवात सर्वसामान्यांना दिलासा ! खाद्यतेल स्वस्त करण्यासाठी सरकार उचलणार मोठं पाऊल
