जळगाव लाईव्ह न्यूज । २३ फेब्रुवारी २०२२ । शहरातील एमआयडीसी पोलीस ठाण्याच्या हद्दीत राहणारी १४ वर्षीय मुलगी एका ओळखीच्या अल्पवयीन मुलाने केलेल्या अत्याचरातून गर्भवती झाली आहे. याप्रकरणी एमआयडीसी पोलीस ठाण्यात गुन्हा दाखल करण्यात आला आहे.
एमआयडीसी पोलीस ठाण्याच्या हद्दीत १४ वर्षीय अल्पवयीन मुलगी नातेवाईकांसह वास्तव्यास आहे. दि.५ ते १० नोव्हेंबर २०२१ दरम्यान अल्पवयीन मुलाने मुलीशी जवळीक साधुन दोन वेळा अत्याचार केला. या अत्याचारातून पिडीत मुलगी गर्भवती राहीली. दि.२२ फेब्रुवारीला सकाळी पीडित मुलीच्या पोटात दुखायला लागले. तेव्हा पालकांनी तिला जिल्हा शासकीय वैद्यकीय महाविद्यालयात उपचारासाठी आणले असता हा धक्कादायक प्रकार समोर आला.
पीडीत मुलीला नातेवाईकांनी विश्वासात घेवून विचारपूस केली असता आपल्यावर परिचयातील मुलाने दोन वेळा अत्याचार केल्याचे सांगितले. पीडीत मुलीच्या नातेईकांना पिडीतेसह एमआयडीसी पोलीस ठाण्यात जात रात्री तक्रार दाखल केली. त्यांच्या तक्रारीवरून संशयितविरुद्ध पोक्सो कायद्यांर्गत गुन्हा दाखल करण्यात आला आहे. पुढील तपास पोलीस उपनिरीक्षक रविंद्र गिरासे करीत आहे.
हे देखील वाचा :
- जळगावातील निवृत्तीवेतनधारकांसाठी महत्त्वाची सूचना; तात्काळ KYC पूर्ण करा, अन्यथा..
- पारोळ्यातील बाधित भागांची पालकमंत्री गुलाबराव पाटलांसह जलसंपदा मंत्र्यांनी केली पाहणी
- अनुसूचित जाती व नवबौद्ध बचतगटांसाठी खुशखबर; मिनी ट्रॅक्टर खरेदीसाठी मिळणार ९० टक्के अनुदान
- जळगावात एफडीएची धडक कारवाई ! ५ हॉटेलचे परवाने निलंबित, ३८ लाखांचा गुटखा जप्त
- भुसावळमार्गे धावणार मुंबई–दानापूर एकेरी विशेष ट्रेन
