जळगाव लाईव्ह न्यूज । ४ फेब्रुवारी २०२२। जळगावातील एका ४५ वर्षीय व्यक्तीने धावत्या रेल्वेखाली स्वतःला झोकून देत आत्महत्या केल्याची घटना आज शुक्रवारी दुपारी उघडकीस आली. रमेश राजन्ना लोंकलकर (वय ४५,रा.शिवाजी नगर) असे मयताचे नाव असून याबाबत जळगाव तालुका पोलीसात अकस्मात मृत्यूची नोंद करण्यात आली आहे.
काय आहे घटना?
रमेश लोंकलकर हे बळीराम पेठेतील वैभव रेडीमेड कापड दुकानात काम करीत होते. आज शुक्रवार ४ फेब्रुवारी रोजी सकाळी साडेआठ वाजता कामावर जातो असे सांगून घरातून बाहेर पडले होते. दरम्यान दुपारी जळगाव शिरसोली रेल्वे मार्गावर मोहाडी गावानजीक शिरसोली रेल्वे डाऊन मार्गावर खांब क्र.४११ (५-७) त्यांचा मृतदेह आढळून आला.
एका व्यक्तीने आत्महत्या केल्याची रेल्वे प्रबंधकांकडून खबर मिळाल्यानंतर तालुका पोलीस ठाण्याचे निरीक्षक रामकृष्ण कुंभार यांनी हवालदार अनिल फेगडे व हरीलाल पाटील यांना घटनास्थळी रवाना केले. खिशात आढळलेल्या कागदपत्रावर मुलाचा मोबाईल क्रमांक असल्याने मृताची ओळख पटली. पंचनामा करुन पोलिसांनी मृतदेह शासकीय रुग्णालयात आणला. लोंकलकर यांच्या पश्चात पत्नी, दोन मुले असा परिवार आहे. याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे.
हे देखील वाचा :
- IRCTC Tourism : स्वस्तात फिरून या काश्मीर, आयआरसीटीसीने आणले जबरदस्त टूर पॅकेजेस, ‘एवढा’ येईल खर्च
- टरबुजासाठी घेतले कर्ज, भाव न मिळाल्याने निघाले दिवाळे आणि मग शेतकऱ्याने मृत्यूला कवटाळले टाकळीच्या शेतकऱ्याची कर्जबाजारीपणाला कंटाळून आत्महत्या
- महागाईचा आणखी एक झटका! स्वप्नातील घर साकारणे महागणार, वाचा काय महागले
- सावरकरांच्या जयंतीनिमित्त काढण्यात आलेल्या रिक्षा रॅलीने वेधले जळगावकरांचे लक्ष
- मोठी बातमी : विद्यार्थ्यांच्या गणवेशासाठी ९ कोटीचा निधी प्राप्त
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
