जळगाव लाईव्ह न्यूज । १८ मे २०२१ । एरंडोल तालुक्यातील पिंपळकोठा येथे २६ वर्षीय विवाहितेने साडीच्या सहाय्याने गळफास घेऊन आत्महत्या केल्याची घटना आज सकाळी उघडकीस आली. रत्नाबाई सुभाष भिल (वय २६) असे आत्महत्या केलेल्या महिलेचे नाव असून याबाबत एरंडोल पोलीस स्टेशनला अकस्मात मृत्यूची नोंद करण्यात आली आहे. आत्महत्या मागचे कारण अजून अस्पष्ट आहे.
रत्नाबाई भिल ती तिच्या पतीसह पिंपळकोठा बुद्रुक या तिच्या माहेरी राहत होती. तिचे मूळ गाव मेहु तालुका पारोळा हे आहे. दरम्यान, रत्नाबाई भिल या विवाहितेने दि १८ मे रोजी रात्री एक वाजेच्या सुमारास घरात साडीने गळफास घेऊन आत्महत्या केल्याची घटना घडली घराच्या लाकडी सरीला लटकलेल्या अवस्थेत या महिलेचे प्रेत आढळून आले. गावातील लोकांच्या मदतीने प्रेत खाली उतरवण्यात आले एरंडोल ग्रामीण रुग्णालयात नेण्यात आले त्या ठिकाणी सदर महिलेचा मृत्यू झाल्याचे घोषित करण्यात आले.
याबाबत समाधान सोनवणे यांनी खबर दिल्यावरून एरंडोल पोलीस स्टेशनला अकस्मात मृत्यूची नोंद करण्यात आली आहे पोलीस निरीक्षक ज्ञानेश्वर जाधव यांच्या मार्गदर्शनाखाली पोलीस कॉन्स्टेबल महेंद्र पाटील हे पुढील तपास करीत आहेत.
