जळगाव लाईव्ह न्यूज । १५ जुलै २०२३ । राज्यात महिलासंह अल्पवयीन मुलींवर होणारे अत्याचार कमी होता होत नसून अशातच जळगाव शहरातून एक धकाकदायक प्रकार उघडकीस आला आहे. पाणी पिण्याच्या निमित्ताने घरात घुसून १६ वर्षिय बालिकेवर अतिप्रसंग करण्याचा प्रकार केला. मात्र, लहान बहिणीने आराडाओरड केल्याने टळला या घटनेमुळे संतप्त जमावाने मद्यपी तरुणाची धुलाई करून त्याची दुचाकी पेटवून दिली.याप्रकरणी रात्री उशिरा बाललैगिंक अत्याचार कायद्यान्वये तालुका पाेलिस ठाण्यात गुन्ह्याची नाेंद करण्यात आली.
नेमकी घटना काय?
जळगाव शहरातील काेल्हे हिल्स परिसरात राहणारा वाॅचमन व मजुरी करणाऱ्या कुटुंबातील पती-पत्नी हे शुक्रवारी दुपारी तीन वाजेच्या सुमारास मासे पकडण्यासाठी गेले हाेते. तर दाेन्ही मुले बकऱ्या चारण्यासाठी गेले असताना घरी १६ वर्षिय मुलगी तिच्या सहा वर्षिय बहिणीसाेबत हाेती.
त्यावेळी भरत सुभाष सूर्यवंशी (वय ३४, रा. चंदुअण्णानगर, जळगाव) हा आला. त्याने त्यांच्याकडे पाणी मागीतले. ते घेण्यासाठी ती पीडित मुलगी आत गेली. तिच्या मागे भरत हा पण गेला. आत जाताच तिला माझ्याशी दाेस्ती कर असे म्हणाला. तिने नाही म्हणून तुम्ही आत का आलात? असे विचारले. तेव्हा भरतने तिचे दाेन्ही हात पकडून तिच्यावर अतिप्रसंगाचा प्रयत्न केला.
बहिणीशी वाईट वागताना अनाेळखी व्यक्तीला पाहून लहान बहिणीने घराबाहेर जावून अरोडाओरड केल्यानंतर परिसरातून काही जणांनी तरुणाला बाहेर आणत बेदम मारहाण केली. या वेळी त्याची दुचाकी (एमएच डीव ७१७८) पेटवून दिली. याप्रकरणी रात्री उशिरा बाललैगिंक अत्याचार कायद्यान्वये तालुका पाेलिस ठाण्यात गुन्ह्याची नाेंद करण्यात आली.
