जळगाव लाईव्ह न्यूज । २८ जानेवारी २०२३ । तुम्हीही ट्रेनने प्रवास करत असाल तर तुम्हाला रेल्वेच्या या सुविधेची माहिती असणे आवश्यक आहे कारण आता तुम्हाला रेल्वे स्टेशनच्या प्लॅटफॉर्मवरून चालण्याची गरज भासणार नाही. आता स्टेशनवर इलेक्ट्रिक गाड्या धावत आहेत. जे तुम्ही बुक करून वापरू शकता. होय, ही योजना सुरू केल्यानंतर दिव्यांगजन, आजारांनी ग्रस्त लोक आणि वृद्धांना कोणत्याही समस्येचा सामना करावा लागणार नाही. कारण या लोकांना चालण्यात सर्वाधिक त्रास होतो. या सुविधेचा लाभ घेण्यासाठी तुम्हाला काय करावे लागेल ते आम्ही तुम्हाला सांगणार आहोत ?
येथे लाभ घेऊ शकता
पश्चिम रेल्वेच्या अनेक स्थानकांवर ही सुविधा यापूर्वीच सुरू करण्यात आली आहे. त्यासाठी खासगी एजन्सीला कंत्राट देण्यात आले आहे. तुम्हालाही या सुविधेचा लाभ घ्यायचा असेल, तर तुम्ही फक्त 40-50 रुपयांमध्ये बुक करू शकता. मध्य रेल्वेच्या भुसावळ रेल्वे स्थानकावर या सुविधेसाठी 50 रुपये आकारले जात आहे. तसेच जळगाव स्थानकावर देखील 50 रुपये घेतले जात आहे.
या व्यतिरिक्त मध्य रेल्वेच्या छत्रपती शिवाजी टर्मिनस मुंबई (CSTM) स्थानकावर या सुविधेसाठी 40 रुपये आणि दादर, लोकमान्य टिळक टर्मिनस स्थानकावर या सुविधेसाठी 50 रुपये आकारले जात आहेत. जर तुम्हाला छत्रपती शिवाजी टर्मिनस मुंबई (CSTM) स्टेशनवर बुकिंग करायचे असेल तर तुम्ही या क्रमांकावर (9152156194) संपर्क साधू शकता. तर दादरसाठी तुम्ही या क्रमांकावर (७०२२०४७६२६) संपर्क साधू शकता. लोकमान्य टिळक टर्मिनससाठी तुम्ही या क्रमांकावर (७०२२०४७६२५) संपर्क साधू शकता.
मोफत प्रतीक्षालय मिळवा
हिवाळ्यातही गाड्या उशिराने धावत आहेत. अशा परिस्थितीत थंड वाऱ्यात प्लॅटफॉर्मवर बसण्याची गरज नाही. तुम्ही मोफत वेटिंग रूम सुविधेचा लाभ घेऊ शकता. यासाठी तुमच्याकडे वैध तिकीट असणे आवश्यक आहे. वैध तिकीट घेतल्यानंतर, तुम्ही दिवसभरात, ट्रेनच्या आगमनाच्या 2 तास आधी आणि प्रवास संपल्यानंतर 2 तासांनंतर प्रतीक्षालय विनामूल्य वापरू शकता.
