जळगाव लाईव्ह न्यूज । २८ ऑक्टोबर २०२२ । पारोळा तालुक्यातील मराठखेडा येथील तुकाराम विठ्ठल मरसाळे वय ४५या इसमाचा पातरखेडा गावाच्या पेट्रोल पंपाजवळ अपघात झाला होता. त्याच्यावर उपचार सुरु होते, मात्र उपचारादरम्यान त्याचा मृत्यू झाल्याची घटना समोर आली असून एरंडोल पोलीस स्टेशनला गुन्हा दाखल करण्यात आला.
24 ऑक्टोबर 20 22 रोजी तुकाराम मरसाळे हा अपघातात गंभीर जखमी झाला जखमी अवस्थेत त्याला गोदावरी हॉस्पिटल जळगाव येथे दाखल करण्यात आले उपचारादरम्यान २७ ऑक्टोबर रोजी त्याच्यावर क्रूरकाळाने झडप टाकली. त्याने दिलेल्या जबावावरून एरंडोल पोलीस स्टेशनला २८ ऑक्टोबर रोजी गुन्हा दाखल करण्यात आला. हेड कॉ. विलास पाटील व राजेश पाटील हे पुढील तपास करीत आहे
