जळगाव लाईव्ह न्यूज । ४ ऑक्टोबर २०२२ । पंतप्रधान नरेंद्र मोदी (PM Narendra Modi) यांनी १ ऑक्टोबरापासून भारतात 5G सेवा सुरू केली आहे. यासोबतच १ ऑक्टोबरपासून अनेक शहरांमध्ये 5G सेवा उपलब्ध झाली आहे. दरम्यान, देशातील सर्व शहरांमध्ये 5G उपलब्ध नसले तरी पुढील वर्षाच्या अखेरीस ही सेवा पातळीवर नेली जाईल. म्हणजेच देशाच्या कानाकोपऱ्यात 5G सेवा उपलब्ध होणार आहे. मात्र यासाठी किती पैसे खर्च करावे लागतील हा प्रश्न आहे. कोणत्याही कंपनीने आपल्या 5G डेटा किंवा 5G रिचार्ज प्लॅनबद्दल माहिती दिलेली नाही. मात्र, रिलायन्स जिओचे अध्यक्ष मुकेश अंबानी (Mukesh Ambani) म्हणाले की, जिओ भारतात स्वस्त 5जी सेवा आणणार आहे.
परवडणारी 5G सेवा
5G लाँच करताना भारतीय मोबाइल काँग्रेसमध्ये ते म्हणाले, ‘भारताची सुरुवात थोडीशी झाली असेल, पण आम्ही जगापेक्षा उच्च दर्जाची आणि अधिक परवडणारी 5G सेवा सुरू करणार आहोत’.
मुकेश अंबानी म्हणाले, ‘डिसेंबर 2023 पर्यंत आपल्या देशातील प्रत्येक शहर, प्रत्येक तालुका आणि प्रत्येक तहसीलमध्ये 5G पोहोचवण्याच्या जिओच्या वचनबद्धतेचा मला पुनरुच्चार करायचा आहे. Jio चे बहुतांश 5G तंत्रज्ञान भारतात विकसित केले गेले आहे, त्यामुळे त्यावर आत्मनिर्भर भारत असा शिक्का आहे.
प्लॅनची किंमत किती असेल?
ते म्हणाले, ‘भारतात 5G ची सुरुवात ही भारताच्या दूरसंचार इतिहासातील सामान्य घटना नाही. हे 140 कोटी भारतीयांच्या आशा आणि आकांक्षा आपल्या खांद्यावर घेऊन चालले आहे. 5G सह, भारत सब का डिजिटल साथ आणि सब का डिजिटल विकासाच्या दिशेने एक मजबूत पाऊल उचलेल.
मात्र, रिचार्जसाठी तुम्हाला किती पैसे खर्च करावे लागतील हे अद्याप स्पष्ट झालेले नाही. पण टेलिकॉम कंपन्या 5G प्लॅनच्या किंमतीबद्दल सतत सांगत आहेत की ते 4G प्रमाणेच असतील. हे निश्चित आहे की 5G रिचार्जसाठी 4G पेक्षा जास्त खर्च येईल, परंतु आपला खर्च जगातील इतर देशांच्या तुलनेत कमी असू शकतो.
