जळगाव लाईव्ह न्यूज । ३० जून २०२२ । मागील गेल्या काही सत्रात शेअर बाजारात घसरण पाहायला मिळाली. अशा परिस्थितीत काही शेअर असे आहेत ज्यांनी गुंतवणूकदारांना मालामाल केलं आहे. फार्मास्युटिकल्स उद्योगाशी संबंधित कंपनीने गेल्या 1 वर्षात जबरदस्त परतावा दिला आहे. ही कंपनी रजनीश वेलनेस (Rajnish Wellness Ltd) आहे. गेल्या 1 वर्षात कंपनीचे शेअर्स 5 रुपयांवरून 200 रुपयांपर्यंत वाढले आहेत. रजनीश वेलनेसच्या समभागांनी या कालावधीत गुंतवणूकदारांना 3,500 टक्क्यांहून अधिक परतावा दिला आहे. रजनीश वेलनेस शेअर्सचा 52 आठवड्यांचा उच्चांक 240.85 रुपये आहे. त्याच वेळी, कंपनीच्या समभागांची 52 आठवड्यांची निम्न पातळी 6.04 रुपये आहे.
1 लाख रुपये एका वर्षात 45 लाख रुपयांपेक्षा जास्त झाले
18 जून 2021 रोजी रजनीश वेलनेसचे शेअर्स बॉम्बे स्टॉक एक्सचेंज (BSE) वर 4.91 रुपयांच्या पातळीवर होते. 30 जून 2022 रोजी कंपनीचे शेअर्स BSE वर 222.65 रुपयांच्या पातळीवर व्यवहार करत आहेत. गेल्या एका वर्षात कंपनीच्या समभागांनी गुंतवणूकदारांना 3,500 टक्क्यांहून अधिक परतावा दिला आहे. जर एखाद्या व्यक्तीने 18 जून 2021 रोजी कंपनीच्या शेअर्समध्ये 1 लाख रुपयांची गुंतवणूक केली असती आणि त्याची गुंतवणूक कायम ठेवली असती, तर सध्या 45.33 लाख रुपये झाले असते.
गेल्या 6 महिन्यांत 950% पेक्षा जास्त परतावा
रजनीश वेलनेसच्या शेअर्सने गेल्या 6 महिन्यांत 950% पेक्षा जास्त परतावा दिला आहे. 3 जानेवारी 2022 रोजी कंपनीचे शेअर्स 20.45 रुपयांच्या पातळीवर होते. 30 जून 2022 रोजी कंपनीचे शेअर्स BSE वर 222.60 रुपयांच्या पातळीवर व्यवहार करत आहेत. जर एखाद्या व्यक्तीने 6 महिन्यांपूर्वी कंपनीच्या शेअर्समध्ये 1 लाख रुपये गुंतवले असते, तर सध्या हे पैसे 10.88 लाख रुपये झाले असते. रजनीश वेलनेसच्या शेअर्सने गेल्या एका महिन्यात गुंतवणूकदारांना जवळपास 19 टक्के परतावा दिला आहे. कंपनीचे मार्केट कॅप सुमारे 234 कोटी रुपये आहे.
