जळगाव लाईव्ह न्यूज । २५ फेब्रुवारी २०२२ । गोदावरी फाउंडेशनच्या विविध शैक्षणिक संस्थांतर्फे आयोजित सांस्कृतिक कार्यक्रमात विद्यार्थ्यांनी विविध कलागुणांचे सादरीकरण केले. फाउंडेशनचे अध्यक्ष तथा माजी खासदार डॉ. उल्हास पाटील यांच्या वाढदिवसानिमित्त हा कार्यक्रम घेण्यात आला. गोदावरी फाउंडेशन संचलित डॉ. उल्हास पाटील वैद्यकीय महाविद्यालय, फिजिओथेरपी, होमिओपॅथी, आयुर्वेद, गोदावरी नर्सिंग महाविद्यालय यांच्या संयुक्त विद्यमाने डॉ. केतकी पाटील सभागृहात कार्यक्रम झाला.
याप्रसंगी गोदावरी फाउंडेशनच्या प्रेरणास्त्रोत गोदावरी पाटील, सचिव डॉ. वर्षा पाटील, सदस्या डॉ. केतकी पाटील, डीएम कार्डियोलॉजिस्ट डॉ. वैभव पाटील, डॉ.अनिकेत पाटील, डॉ. माणिक पाटील, डॉ. अलका पाटील, स्नेही डॉ. सुहास बोरोले, डॉ. सुरेखा बोरोले, डॉ. योगेश, डॉ. अनुराधा व प्राध्यापक आदींची उपस्थिती होती. कार्यक्रमाची सुरुवात स्त्रीरोग विभागप्रमुख डॉ. माया आर्विकर यांनी म्हटलेल्या ‘मंगल दिन आज आयो, मंगल गान सुनायो…’ या बंदिशीने झाली, त्यांना डीन डॉ. एन. एस.आर्विकर यांंनी पेटीवर साथ दिली. डॉ. किमया पारखे, डॉ. प्रमोद साळुंके यांनी सूत्रसंचालन केले.
गीत, कविता, नृत्यावर विद्यार्थ्यांनी केली धम्माल
तुझे प्यार करते है, करते रहेंगे…’ हे गीत आर्विकर दाम्पत्यानी सादर केले. याप्रसंगी डॉ.अनुराग सादर करत असलेल्या ‘एक प्यार का नगमा है, मौजो की रवानी है…’ या गीताला डॉ.उल्हास पाटील यांनी दाद दिली. डॉ.अमृत महाजन यांनी हरिवंशराय बच्चन यांची ‘मुठ्ठी में कुछ सपने लेकर…’ या कवितेचे सादरीकरण केले. प्रत्येक कॉलेजच्या ग्रुपने हिंदी, मराठी, पंजाबी गीतावर नृत्याचे सादरीकरण केले.
- विद्यार्थ्यांसाठी महत्वाची बातमी! १०वी आणि १२वी परीक्षेच्या तारखा जाहीर
- सरकारी नोकर भरतीतील शिंदे-फडणवीस सरकारच्या गेमचेंजर पॉलिसीमुळे पात्र युवकांना संधी
- 10वी आणि 12वी परीक्षेच्या फीमध्ये वाढ; आता इतके रुपये जास्त मोजावे लागणार?
- लाल किल्ल्यावरून मेडीकल शिक्षणासंदर्भात पंतप्रधान मोदींकडून मोठी घोषणा
- विनापरीक्षा नोकरीची मोठी संधी ; 3256 जागांवर निघाली भरती, पगारही भरघोष मिळेल..
