जळगाव लाईव्ह न्यूज । १६ फेब्रुवारी २०२२ । चाळीसगाव शहरातील दत्तवाडी भागात दुचाकीवर आलेल्या दोघा भामट्यांनी किराणा दुकानदार महिलेला, कपाटात काय वस्तू आहे ते दाखवा असे सांगितल्यानंतर महिलेने मान मागे फिरवली. त्याचवेळी भामट्यांनी महिलेच्या गळ्यातील सोन्याची पोतहिसकावून पळ काढला, ही घटना १४ रोजी सायंकाळी ७.४५ वाजेच्या सुमारास घडली.
कमलाबाई शंंकरलाल खत्ती (वय ७०) यांचे दत्तवाडी येथे किराणा दुकान आहे. त्या दुकानात असताना रंगाने गोरा, चेहरा गोल व चपटा, मध्यम बांधा असलेला, डोक्यावर लांब केस असलेला अंदाजे २५ ते ३० वर्षे वयाचा काळे कपडे घातलेला तरुण व अन्य एक इसम, असे दोघे काळ्या रंगाच्या पल्सर दुचाकीने दुकानाजवळ आले. त्यातील एकाने दुकानातील कपाटाकडे हात दाखवून ते काय आहे मला दाखवा असे सांगितले. त्यावेळी कमलाबाई यांनी मागे वळून पाहण्यासाठी मान फिरवताच, भामट्याने त्यांच्या गळ्यातील १२ ग्रॅम वजनाची ३० हजार रूपये किंमतीची सोन्याची पोत हिसकावली. त्यानंतर दुचाकीवरून दोघे भामटे पसार झाले. या प्रकाराने घाबरलेल्या कमलाबाई खत्ती यांनी आरडाओरड केली. परंतु तोपर्यंत चोरटे पसार झाले. या प्रकरणी शहर पोलिस ठाण्यात गुन्हा दाखल झाला.
हे देखील वाचा :
- साप पकडणे जीवावर बेतले; दंश केल्याने शेतमजुराचा मृत्यू
- निवडणूक ड्युटीवरून घरी परताना शिक्षकावर काळाचा घाला; अपघातात दुर्देवी मृत्यू
- Breaking : जळगावात निवडणूक कर्मचाऱ्यांच्या वाहनाला अपघात
- बहिणीच्या लग्नाच्या दिवशी भावाचा हृदयविकाराने मृत्यू ; यावल तालुक्यातील दुर्दैवी घटना
- धक्कादायक ! जळगाव शहरातील अपक्ष उमेदवाराच्या घरावर गोळीबारीची घटना
