जळगाव लाईव्ह न्यूज । ५ फेब्रुवारी २०२२ । शिरसोली रस्त्यावरील श्री गुलाबराव देवकर मल्टीस्पेशालिटी वैद्यकीय व आयुष रुग्णालयाने १७५ जणांना धुसर दृष्टीपासून मुक्त करून नव्या प्रकाशवाटा दाखवल्या आहे.
रुग्णालयातर्फे जानेवारी महिन्यापासून ना नफा ना तोटा तत्वावर मोतीबिंदू शस्त्रक्रिया अभियान राबविले जात असून, दर गुरुवारी रुग्णांवर अत्यल्प दरात मोतीबिंदू व फेको (बिना टाक्याची) शस्त्रक्रिया केल्या जात आहेत. या गुरुवारी देखील 25 रुग्णांवर मोतीबिंदू शस्त्रक्रिया करण्यात आली. त्यापैकी 75 टक्के रुग्णांनी फेको शस्त्रक्रियेला पसंती दिल्याचे दिसून आले. रुग्णालयात शस्त्रक्रियांचा हा सातवा आठवडाही हाउसफुल ठरला.
गोरगरीब व सर्वसामान्य रुग्णांसाठी कोणताही व्यावसायिक दृष्टीकोन न ठेवता देवकर रुग्णालयाने ना नफा ना तोटा तत्वावर मोतिबिंदू शस्त्रक्रिया अभियान सुरू केले आहे. अभियानात आतापर्यंत 175 पेक्षा जास्त रुग्णांवर शस्त्रक्रिया करण्यात आली आहे. केवळ 2500/-रुपयात मोतीबिंदू व केवळ सहा हजार रुपयात फेको (बिनटाक्याची) शस्त्रक्रिया केली जात आहे. रुग्णांनी या सुविधेचा लाभ घ्यावा, असे आवाहन देवकर रूग्णालय प्रशासनातर्फे करण्यात आले आहे.
संपर्क मो. 9370935252
हे देखील वाचा :
- गोदावरी अभियांत्रिकीत स्वावलंबी भारत अभियानार्तंगत उद्यमिता संमेलन उत्साहात
- जळगावात आणखी एक अपघात; ट्रॅक्टरच्या धडकेत दुचाकीस्वार तरुण ठार
- जळगाव शहरातील महामार्गावर पुन्हा अपघात; दुचाकीस्वार वृद्धाला अज्ञात वाहनाने चिरडले
- Jalgaon : दुचाकी लांबविणारे दोघे चोरटे पोलिसांच्या जाळ्यात
- Pachora : वाळू माफियांकडून महसूल पथकातील कर्मचाऱ्यांना धक्काबुक्की, चौघांना अटक
