जळगाव लाईव्ह न्यूज । १ फेब्रुवारी २०२२ । केंद्रीय अर्थसंकल्प 2022 सादर होण्यापूर्वी एक दिलासा देणारी बातमी आहे. राष्ट्रीय तेल विपणन कंपन्यांनी आजपासून म्हणजेच 1 फेब्रुवारीपासून 19 किलोच्या व्यावसायिक एलपीजी सिलिंडरच्या किमती 91.50 रुपयांनी कमी केल्या आहेत. तर घरगुती गॅस सिलेंडरच्या किमतीत कोणताही बदल करण्यात आलेला नाहीय. दरम्यान, गेल्या महिन्यात म्हणजेच नवीन वर्षाच्या पहिल्या दिवशी (1 जानेवारी) देखील तेल विपणन कंपन्यांनी व्यावसायिक गॅसच्या दरात 102.50 रुपये प्रति सिलेंडर कपात केली होती.
कोणत्या शहरात किती दर?
व्यवसायिक सिलिंडरच्या किमतीत कंपन्यांनी ९१.५ रुपये कपात केली आहे. त्यामुळे दिल्लीत व्यवसायिक सिलिंडरचा दर १,९०७ रुपये झाला आहे. कोलकात्यात सिलिंडरचा दर ८९ रुपयांनी कमी झाला आहे. तिथे आता एका सिलिंडरसाठी १,९८७ रुपये मोजावे लागतील. मुंबईत एका सिलिंडरचा दर १,९४८.५ रुपये आहे. आता याच सिलिंडरसाठी १,८५७ रुपये मोजावे लागतील. नवीन दर आजपासून (१ फेब्रुवारी) लागू झाले आहेत.
हॉटेल आणि रेस्टॉरंटमध्ये व्यावसायिक गॅस सिलिंडरचा वापर केला जातो. अशा परिस्थितीत खाद्यपदार्थांच्या दरात कपात होणे अपेक्षित आहे. याआधी कंपन्यांनी १ डिसेंबरला व्यावसायिक गॅस सिलिंडर महाग केले होते.
गेल्या ९० दिवसांपासून तेल विपणन कंपन्यांनी इंधनाच्या दरात बदल केलेला नाही. त्याचवेळी क्रूड सात वर्षांच्या विक्रमी उच्चांकावर चालत आहे. सोमवारच्या व्यवहारात ब्रेंट क्रूडमध्येही कमालीची वाढ दिसून आली. जागतिक मानक मानले जाणारे ब्रेंट क्रूड 1.30 टक्क्यांनी वाढून 91.20 डॉलर प्रति बॅरल झाले. त्याच वेळी, ब्रेंट क्रूड फ्युचर्स 0.87 टक्क्यांनी वाढून प्रति बॅरल $ 90.81 वर पोहोचले.
हे देखील वाचा :
- सोने-चांदी खरेदी करणाऱ्यांसाठी निराशाजनक बातमी ; किमतीत पुन्हा वाढल्या..
- आयसीआयसीआय बँकेने केले 17000 क्रेडिट कार्ड ब्लॉक ; ‘हे’ आहेत कारण?
- सोने दरात पुन्हा वाढ, चांदी घसरली ; आताचे भाव तपासून घ्या..
- आनंदवार्ता ! सोने 1900 रुपयाने तर चांदी 3 हजारांनी घसरणी ; जळगावात आता काय आहे भाव?
- 1 मे पासून देशात ‘हे’ मोठे बदल होणार ; तुमच्या माहितीसाठी आताच घ्या जाणून..