जळगाव लाईव्ह न्यूज । ३० डिसेंबर २०२२ । भडगाव ते पाचोरा दरम्यान तितूर नदीजवळ भडगाव कडून येणारा रस्ता अचानक थांबला. आणि पुढे नदीची २०फूट खोल खाई अशी घातक अवस्था आणि भडगाव कडून वाहन आले कि सरळ खाईत जाऊन पडत असे काही चित्र तर उजवीकडे वळून विरूद्ध दिशेने येणाऱ्या वाहनाला ठोकत असे एकूण ४० अपघात झाले. या अपघाती जागेने १२ लोक अपघाती मृत्यूमुखी पडले.
त्यातच १९जानेवारीला नाचणखेडा येथील १९वर्षाचा तरुण मुलगा या कारणे अपघाताने वारला. ही मृत्यू साखळीला कारणीभूत असलेली रस्त्याचे वास्तव अधिकाऱ्यांच्या लक्षात यावे या प्रामाणिक हेतूने उपोषणास बसलेल्या आणि या अर्धवट सोडलेल्या रस्त्याचा प्रश्न चव्हाट्यावर आणून प्रशासनाला जाग आणणारे जळगाव जिल्हा जागृत जनमंच चे अध्यक्ष शिवराम पाटील व पाचोरा जागृत जनमंच चे अध्यक्ष निलकंठ पाटील यांचे उपोषण खासदार उन्मेश पाटील यांनी उपस्थित अधिकाऱ्यांना धारेवर धरत त्यांना तंबी देत सोडले.
याबाबत वस्तुस्थिती काही महिन्यापूर्वी व्हीडीओ चित्रण घेऊन जळगाव जिल्हा जागृत जनमंच चे अध्यक्ष शिवराम पाटील व पाचोरा जागृत जनमंच चे अध्यक्ष निलकंठ पाटील यांनी ही समस्या प्रसारीत केली होती. अखेर २४ तारखेपासून अपघात स्थळी निलकंठ पाटील व गुलाब पाटील यांनी उपोषण सुरू केले. धुळे व जळगाव चे संबंधित अभियंत्यांनी उडवाउडवीची उत्तरे देण्याचा प्रयत्न केला.पण प्रत्यक्ष जागेवर काम अर्धवट सोडल्याचे लक्षात आल्याने संघटना अडून बसली. आज खासदार उन्मेश दादा पाटील यांनी घटनास्थळी भेट दिली.जागेची पाहणी केली. उद्याच पुलाजवळचे काम सुरू करण्याचे आदेश अभियंत्याला दिले.
हे देखील वाचा :
- जळगाव शहरातील हॉटेलमध्येच सुरु होता कुंटणखाना; पोलिसांनी छापा टाकताच..
- समाजाशी नाळ जोडून ठेवणे आपले कर्तव्य : आमदार राजूमामा भोळे
- कधीकाळी होता 100 रुपये पगार, आता.. अयोध्या राम मंदिरातील मुख्य पुजाऱ्याला मिळतोय ‘इतका’ पगार?
- खातेवाटपनंतर मंत्री गुलाबराव पाटीलांची पहिली प्रतिक्रिया, वाचा काय म्हणाले..
- चॅम्पियन्स ट्रॉफी 2025 चे वेळापत्रक समोर; भारत-पाकिस्तान सामना ‘या’ दिवशी रंगणार?
