जळगाव लाईव्ह न्यूज । २९ जानेवारी २०२२ । पोलीस भरतीची तयारी करणाऱ्या राज्यातील तरुणांसाठी एक महत्त्वाची बातमी आहे. राज्यात लवकरच पोलीस भरती (Maharashtra Police Recruitment) होणार आहे. पोलीस खात्यात आता नव्याने 7 हजार 200 पदांसाठी भरती होणार असल्याची माहिती राज्याचे गृहमंत्री दिलीप वळसे पाटील (Maharashtra Home Minister Dilip Walse Patil) यांनी माहिती दिली आहे.
राज्य मंत्रिडळात या संदर्भात निर्णय झाला असून लवकरच भरती प्रक्रिया राबवण्यात येणार असल्याचंही त्यांनी सांगितलं आहे. अहमदनगर येथे पत्रकारांशी संवाद साधताना त्यांनी ही माहिती दिली
राज्याचे गृहमंत्री दिलीप वळसे पाटील यांनी म्हटलं, पोलीस भरतीच्या संदर्भात राज्यात 5200 पोलिसांच्या भरतीचं काम जवळपास पूर्णत्वाच्या दिशेने आहे. लेखी परीक्षा झाल्या, शारीरिक चाचण्या झाल्या आहेत. आता या संदर्भातील अंतिम यादी जाहीर करण्याचं काम आहे.
दुसऱ्या टप्प्यात आणखी 7200 पोलिसांच्या भरतीच्या संदर्भात राज्य मंत्रिमंडळाने निर्णय घेतला आहे आणि या संदर्भातील भरती प्रक्रियेची सुरुवात आता येत्या काही दिवसात सुरू करायची आहे असंही गृहमंत्री दिलीप वळसे पाटील यांनी म्हटलं.
हे देखील वाचा :
- कॅनरा बँकेत तब्बल 3000 पदांसाठी भरती ; पदवी उमेदवारांना सुवर्णसंधी
- 10वी पास आहात का? आयकर विभागात काम करण्याची संधी! 56 हजारापर्यंत पगार मिळेल..
- 10वी पास ते पदवीधरांसाठी महाराष्ट्रातील या बँकेत 700 जागांसाठी भरती
- नोकरीची संधी! NHM जळगाव अंतर्गत विविध पदांसाठी मोठी भरती
- न्यू इंडिया ॲश्युरन्स कंपनीत जम्बो भरती! पदवीधरांना मिळेल 88 हजारापर्यंत पगार
