जळगाव लाईव्ह न्यूज । २५ जानेवारी २०२१ । बोदवड तालुक्यातील जलचक्र खुर्द येथील महालक्ष्मी स्टोनक्रशरधारकाला जवळपास ५ कोटींचा दंड ठोठावला आहे. कारण महालक्ष्मी स्टोनक्रशर धारकाने अवैध ऊत्खनन करुन शासनाचा कोट्यावधी रुपयांचा महसूल बुडविल्याची तक्रार शिवसेना कार्यकर्त्यांनी २८ एप्रिल २०२० रोजी केली होती.
महसूल बुडवल्याप्रकरणी, तक्रारीची चौकशी करण्यासाठी जिल्हाधिकाऱ्यांनी पुनर्वसन उपजिल्हाधिकारी यांच्या अध्यक्षतेखाली त्रयस्थ समिती गठीत केली होती. या समितीने दिलेल्या आदेशानुसार महालक्ष्मी स्टोनक्रशरधारकाला ४ कोटी ८६ लाख २९ हजार ७७१ रुपयांचा दंड ठोठावला आहे.
स्टोनक्रशरधारकाने ४२९४.२१ ब्रास अवैध गौण खनिजाचा वापर केलेला अाढळला. त्यामुळे महाराष्ट्र जमीन महसूल अधिनियम १९६६ चे कलम ४८(७) अन्वये दंडात्मक कार्यवाही करण्याबाबत जिल्हाधिकाऱ्यांनी बोदवड तहसीलदारांना आदेश दिले. तत्कालीन तीन तहसीलदारांच्या बदल्या झाल्यानंतर महसूल प्रशासनाकडून मोठी कारवाई करण्यात आली आहे. जिल्हाधिकाऱ्यांच्या आदेशाने बोदवड तहसीलदार योगेश्वर टोपे यांनी २० रोजी दंडाचे आदेश काढले.
दीड वर्षांची प्रतीक्षा
जिल्हाधिकाऱ्यांच्या आदेशानुसार तहसीलदार टोपे यांनी ४ कोटी ८६ लाख २९ हजार ७७१ रुपयांचा दंड ठोठावल्याचा आदेश काढला आहे. तब्बल तीन तहसीलदारांच्या बदल्या झाल्यानंतर दीड वर्षांनी ही तक्रार निकाली काढण्यात आली आहे.
हे देखील वाचा :
- लाडकी बहीण योजनेचा पुढचा हप्ता महिलांच्या खात्यात कधी येणार? समोर आली मोठी अपडेट
- कसाऱ्याजवळ रेल्वेचा ब्लॉक; भुसावळ, जळगाव मार्गे धावणाऱ्या अनेक गाड्यांच्या मार्गात बदल
- या 3 राशीच्या लोकांनी कामाच्या ठिकाणी सावध राहावे; यात तुमची तर नाही राशी? वाचा शुक्रवारचे राशिभविष्य
- Jalgaon : नोकरी लावून देण्यासाठी शाळा संस्थेच्या सचिवाने स्वीकारली २ लाखांची लाच; कारवाईने खळबळ
- डॉ. उल्हास पाटील अन्न तंत्रज्ञान महाविद्यालयात जागतिक अन्न दिवस साजरा
