जळगाव लाईव्ह न्यूज । ३१ डिसेंबर २०२१ । अवघ्या सहा दिवसांच्या बालिकेस पोलिस ठाण्याबाहेर सोडून आईने पलायन केले. ही मन हेलावणारी घटना गुरुवारी भुसावळात घडली.पोलिसांनी या बालिकेस जळगावातील शासकीय वैद्यकीय महाविद्यालय व रुग्णालयातील शिशू विभागात ठेवले आहे.
भुसावळ बाजारपेठ पोलीस ठाण्याच्या बाहेर गुरुवारी दुपारी 3 वाजता ही घटना घडली. या पोलीस ठाण्याच्या बाहेर काही भिक्षुकी करणारे लोक बसलेले असतात. दुपारी एका महिलेने या मुलीस त्यातील एका व्यक्तीकडे दिले. काही कळण्याच्या आतच ती महिला तेथून निघून गेली. भिक्षुकी करणाऱ्यांनी तिचा शोध घेतला परंतु मिळून आली नाही. यानंतर त्यांनी बालिकेस पोलीस ठाण्यात नेले. पोलीस निरीक्षक दिलीप भागवत यांनी पथक पाठवून पुन्हा त्या महिलेचा शोध घेतला.
अखेर सायंकाळी सहा वाजता पोलीस कर्मचारी मीना कोळी, एस. एम. बारी, प्रणय पवार यांनी या बालिकेस शासकीय वैद्यकीय महाविद्यालय व रुग्णालयात आणले. वैद्यकीय तपासणी केली असता बालिका सुदृढ असल्याचे निष्पन्न झाले.
हे देखील वाचा :
- प्रवाशांना दिलासा ! जळगाव-भुसावळमार्गे धावणाऱ्या ‘या’ विशेष रेल्वे गाड्यांना मुदतवाढ
- समाजाच्या सर्वांगीण विकासासाठी काम करणे हेच शासनाचे ध्येय; पालकमंत्री गुलाबराव पाटील
- कर्जबाजारीपणा अन् नैराश्यातून अमळनेरातील तरुण शेतकऱ्याने उचललं धक्कादायक पाऊल
- जागतिक फोटोग्राफी दिनानिमित्त जळगाव पोलिसांची पत्रकारांसाठी छायाचित्र स्पर्धा
- शालार्थ आयडी घोटाळ्याप्रकरणी जामनेरचे भाजप नेते संजय गरुडांना अटक ; जळगाव शिक्षण वर्तुळात खळबळ
