जळगाव लाईव्ह न्यूज | चाळीसगाव | तुषार देशमुख | काल रोजी छत्रपती शिवाजी महाराज यांचा अश्वारूढ पुतळा लोकार्पण सोहळा मोठ्या उत्साहाने पार पडला. मात्र शिवरायांच्या अश्वारूढ पुतळ्याच्या अनावरण सोहळ्याप्रसंगी जिल्हा आपत्ती व्यवस्थापन जळगाव यांच्या आदेशाचे उल्लंघन केल्याप्रकरणी खासदार,आमदार यांच्यासह चार ते पाच हजार जमावावर चाळीसगाव शहर पोलीस स्थानकात गुन्हा दाखल करण्यात आला आहे. काल पुतळा लोकार्पण सोहळ्याप्रसंगी मोठ्या संख्येने लोक उपस्थित होते. शिवप्रेमींनी मोठी गर्दी केली होती. दरम्यान जिल्हाधिकारी तथा अध्यक्ष जिल्हा आपत्ती व्यवस्थापन प्राधिकरण जळगाव यांच्या आदेशाचे उल्लंघन केल्याप्रकरणी जळगाव लोकसभा मतदारसंघाचे खासदार उन्मेष पाटील, चाळीसगाव चे आमदार मंगेश चव्हाण, नगराध्यक्षा आशालता चव्हाण, भाजपा शहराध्यक्ष घृष्णेश्वर पाटील, नगरसेवक राजेंद्र चौधरी, नितीन पाटील, संजय पाटील, चंद्रकांत तायडे, शहाबुद्दीन शेख, कैलास पाटील, व इतर चार ते पाच हजार अज्ञात जमावांन विरोधात गुन्हा दाखल करण्यात आला आहे.
पोलीस नाईक पंढरीनाथ पवार यांच्या फिर्यादीवरून चाळीसगाव शहर पोलीस स्थानकात कलम 188 प्रमाणे आपत्ती व्यवस्थापन कायदा 2005 चे कलम 51 (ब)व मुंबई पोलीस अधिनियम 1951 चे कलम 37 (1), (3) चे उल्लंघन कलम 135 प्रमाणे गुन्हा दाखल करण्यात आला आहे. पुढील तपास पोलिस निरीक्षक के के पाटील यांच्या निर्देशानुसार सुरू आहे.
हेही वाचा :
- अहिल्यादेवी होळकर कर्जमुक्ती योजना: जळगाव जिल्ह्यातील ५३ हजारांहून अधिक शेतकऱ्यांची यादी प्रसिद्ध!
- मान्सून पुन्हा होणार पूर्ण क्षमतेने सक्रिय! जळगाव जिल्ह्यात पुढील ४-५ दिवस धोक्याचे?
- डॉ.उल्हास पाटील वैद्यकिय महाविद्यालय परिसरात चिमुकले विठ्ठल नामात झाले दंग
- डॉ. वर्षा पाटील वुमन्स कॉलेजमध्ये आषाढी एकादशी उत्साहात साजरी
- आनंदाची बातमी! गिरणेचा जलसाठा ७० टक्क्यांवर पोहोचला; जुलैअखेर धरण ओव्हरफ्लो होण्याची शक्यता
