जळगाव लाईव्ह न्यूज । शहरातील सलार नगरात कुरिअर आल्याचे सांगत भरदिवसा घरातून एका भामट्याने मोबाईल लांबविला आहे. हि घटना ३ मार्च रोजी दुपारी ३.३० वाजेच्या सुमारास घडली.
याविषयी सविस्तर माहिती अशी कि, बबिता भाईमिया शेख (वय-४५) रा.सलार नगर ह्या घरात एकट्या असतांना मागच्या वाड्यात भांडे धुवत होत्या. यावेळी एक अनोळखी व्यक्ती येवून म्हणाला की, दिदी आपका कुरिअर आया है असे बोलत बोलवत तो घरात आला.
बबिता शेख यांनी आमचे कुठलेही कुरिअर वगैरे नाहीअसे सांगितल्यावर तो निघून गेला. त्यानंतर थोड्यावेळानंतर भांडे धुवून झाल्यानंतर मोबाईल पाहण्यासाठी गेले असता जागेवर मोबाईल दिसून आला नाही. त्याच भामट्याने आपला मोबाईल चोरून नेल्याचे लक्षात आल्याने त्यांनी शहर पोलीसात धाव घेतली. बबिता शेख यांच्या फिर्यादीवरून शहर पोलीसात अज्ञात व्यक्तिविरोधात गुन्हा दाखल करण्यात आला आहे.
