जळगाव लाईव्ह न्यूज । १ ऑगस्ट २०२५ । गृह विभागाने राज्य पोलिस सेवा अधिकाऱ्यांच्या बदल्या व पदस्थापनांबाबत आदेश जारी केला आहे. या आदेशानुसार जळगाव शहरातील एका अधिकाऱ्याची बदली करण्यात आली असून, दोन नवीन अधिकारी जिल्ह्यात रुजू होणार आहेत.
गुरुवारी राज्य शासनाने पोलिस उपअधीक्षक, सहायक पोलिस आयुक्त (निःशस्त्र) या संवर्गातील ६५ अधिकाऱ्यांच्या बदल्यांचे आदेश काढले. त्यात जळगाव शहर उपविभागीय पोलिस अधिकारी संदीप गावित यांची भुसावळ शहर उपविभागीय पोलिस अधिकारी म्हणून बदली झाली आहे. या बदल्यांत जळगाव जिल्ह्यात बाहेरून दोन नवीन उपअधीक्षक येणार आहेत.
विजय ठाकूरवाड यांची चाळीसगाव उपविभागीय पोलिस अधिकारी म्हणून तर बापू रोहोम यांची मुक्ताईनगर येथील उपविभागीय पोलिस अधिकारी म्हणून बदली करण्यात आली आहे.
