ऑपरेशन सिंदूरनंतर भारत-पाकिस्तान पहिल्यांदाच भिडणार; जाणून घ्या ‘महामुकाबला’ कधी आणि कुठे खेळला जाईल?

जळगाव लाईव्ह न्यूज । १८ जुलै २०२५ । भारत आणि पाकिस्तानमधील संबंधांबद्दल कोणीही अनभिज्ञ नाही. जम्मू काश्मीरमधील पहलगाम येथे झालेल्या दहशतवादी हल्याचा बदल घेण्यासाठी भारताने ऑपरेशन सिंदूर अंतर्गत पाकिस्तानात घुसून दहशतवाद्यांचे अड्डे उडविले होते. तेव्हापासून दोन्ही देशांमधील संबंध आणखी बिघडले आहेत. दरम्यान, ऑपरेशन सिंदूरनंतर, पहिल्यांदाच भारत आणि पाकिस्तान क्रिकेटच्या मैदानावर एकमेकांसमोर येणार आहेत.

खरं तर, वर्ल्ड चॅम्पियनशिप ऑफ लीजेंड्स आजपासून, १८ जुलैपासून सुरू होत आहे. या टुर्नामेंटमध्ये इंडिया चॅम्पियन्सची पहिली मॅच पाकिस्तान विरुद्ध होणार आहे. यामध्ये भारताचे नेतृत्व युवराज सिंग करत आहे, तर पाकिस्तानचे नेतृत्व युनूस खान करत आहे. त्याच वेळी, आज पहिला सामना इंग्लंड आणि पाकिस्तान यांच्यात होणार आहे.

भारत-पाकिस्तान महामुकाबला कुठे आहे?

वर्ल्ड चॅम्पियनशिप ऑफ लीजेंड्स इंग्लंडमध्ये होणार आहे. भारत आणि पाकिस्तान यांच्यातील हा सामना इंग्लंडमधील बर्मिंगहॅम येथे होणार आहे. २० जुलै रोजी एजबॅस्टन क्रिकेट ग्राउंडवर दोन्ही संघ एकमेकांसमोर येतील. युवराज सिंग, हरभजन सिंग, सुरेश रैना आणि इरफान पठाण सारखे दिग्गज खेळाडू इंडिया चॅम्पियन्स संघात खेळताना दिसतील. त्याच वेळी, शाहिद आफ्रिदी, शोएब मलिक आणि वहाब रियाझ सारखे दिग्गज खेळाडू पाकिस्तान संघात दिसू शकतात.

भारतीय वेळेनुसार हा सामना कधी आणि किती वाजता खेळला जाईल आणि त्याचे थेट प्रक्षेपण आणि लाईव्ह स्ट्रीमिंग कुठे होईल हे जाणून घ्या.
World Championship of Legends 2025 टुर्नामेंटमध्ये भारत आणि पाकिस्तान यांच्यात होणारी मॅच तुम्ही लाईव्ह पाहू शकता. या मॅचचे थेट प्रक्षेपण स्टार स्पोर्ट्स नेटवर्कवर केले जाणार आहे. त्यासोबतच तुम्ही फॅनकोड अॅपवर लाईव्ह स्ट्रिमिंग पाहु शकणार आहात.ही मॅच २० जुलै रोजी रात्री ९ वाजता सुरू होणार आहे.

इंडिया चॅम्पियन्स टीम

शिखर धवन, सुरेश रैना, युवराज सिंग (कॅप्टन), गुरकीरत सिंह, इरफान पठाण, स्टुअर्ट बिन्नी, युसूफ पठाण, अंबाती रायुडू, (विकेटकीपर), रॉबिन उथप्पा (विकेटकीपर), अभिमन्यु मिथुन, हरभजन सिंग, पवन नेगी, पियूष चावला, सिद्धार्थ कॉल, वरुण आरोन, विनय कुमार.

पाकिस्तान चॅम्पियन्स टीम

शरजील खान, कामरान अकमल, यूनिस खान, मिस्बाह-उल-हक, सरफराज अहमद (विकेटकीपर), शोएब मलिक, शाहिद अफरीदी (कॅप्टन), अब्दुल रज्जाक, वहाब रियाज, सईद अजमल, सोहेल तनवीर, सोहेल खान, आसिफ अली, सोहैब मकसूद, आमिर यामीन.

भारतीय संघाचे संपूर्ण वेळापत्रक

भारतीय विजेता संघ २० जुलै रोजी पाकिस्तानविरुद्ध आपल्या मोहिमेची सुरुवात करेल. त्यानंतर २२ जुलै रोजी त्यांचा सामना दक्षिण आफ्रिका विजेत्याशी होईल. त्यानंतर २६ जुलै रोजी भारतीय संघ ऑस्ट्रेलिया विजेत्याशी होईल. त्याच वेळी, २७ जुलै रोजी भारतीय संघ इंग्लंड विजेत्याशी आणि २९ जुलै रोजी वेस्ट इंडिज विजेत्याशी सामना करेल.