जळगाव लाईव्ह न्यूज । सध्याच्या घडीला VI, जिओ, एरटेलचे मोबाईल रिचार्ज प्लॅन मोठ्या प्रमाणात वाढले आहे. यामुळे अनेक जण भारत संचार निगम लिमिटेड म्हणजेच BSNL च्या स्वस्त प्लानचा लाभ घेत आहे. मात्र यातच आता BSNL त्याच्या लाखो ग्राहकांना एक मोठा धक्का देण्याच्या तयारीत आहे. 10 फेब्रुवारी 2025 पासून, BSNL त्याच्या काही लोकप्रिय आणि कमी किमतीतील रिचार्ज प्लान्स बंद करणार आहे. या प्लान्सची विशेषता म्हणजे त्यांची दीर्घ वैधता आणि कमी किमत, ज्यामुळे वापरकर्त्यांना वारंवार रिचार्ज करण्याची गरज नव्हती.
प्लान्सची तपशीलवार माहिती
BSNL 201 रुपये, 797 रुपये आणि 2999 रुपये या तीन प्लान्स बंद करणार आहे. या प्लान्सचा फायदा घेण्यासाठी ग्राहकांना 10 फेब्रुवारीपूर्वी रिचार्ज करणे आवश्यक आहे, कारण नंतर हे प्लान रिचार्ज करता येणार नाहीत.
201 रुपयांचा प्लान
हा प्लान कमी किमतीत सिम सक्रिय ठेवण्यासाठी सर्वोत्तम होता. या प्लानची वैधता 90 दिवस असून, यात 300 मिनिटे कॉलिंग आणि 6 जीबी डेटा दिला जात होता. तथापि, यात इतर कोणतेही विशेष फायदे नव्हते.
797 रुपयांचा प्लान
797 रुपयांच्या प्लानची वैधता 300 दिवस, म्हणजेच 10 महिने होती. या रिचार्जमुळे सिम सक्रिय राहत होते. पहिल्या 60 दिवसांसाठी अमर्यादित कॉलिंग, दररोज 2 जीबी डेटा आणि दररोज 100 एसएमएस मिळत होते. 60 दिवसांनंतर कॉलिंग किंवा डेटा लाभ नाही, फक्त सिम सक्रिय राहत होते.
2999 रुपयांचा प्लान
या प्लानची वैधता पूर्ण एक वर्ष, म्हणजेच 365 दिवस होती. या प्लानमध्ये दररोज 3 जीबी डेटा, अमर्यादित कॉलिंग आणि 100 एसएमएसची सुविधा देण्यात येत होती. दरमहा रिचार्ज करण्याचा त्रास टाळू इच्छिणाऱ्या आणि एकाच वेळी संपूर्ण वर्षभर रिचार्ज करण्यास प्राधान्य देणाऱ्या वापरकर्त्यांसाठी हे सर्वात योग्य होते.
महत्त्वाची सूचना
ग्राहकांनी 10 फेब्रुवारीपूर्वी रिचार्ज केले असेल, तर त्यांना त्यांच्या प्लानची वैधता संपेपर्यंत सर्व फायदे मिळत राहतील. परंतु, 10 फेब्रुवारीनंतर हे प्लान कायमचे बंद होऊ शकतात. कमी किमतीत दीर्घ वैधतेचा रिचार्ज मिळवू इच्छिणाऱ्या BSNL ग्राहकांनी लवकरात लवकर या योजनांचा लाभ घ्यावा.
