जळगाव लाईव्ह न्यूज । २७ ऑक्टोबर २०२१ । चाळीसगाव शहरातील एका ६५ वर्षीय वृध्दाचे तोंड दाबून त्यांच्या खिश्यातील १ हजार रूपयांची रोकड लांबविल्याचा प्रकार उघडकीला आला आहे. सनी विष्णु चव्हाण (वय-२२) असे संशयित आरोपीचे नाव असून, याप्रकरणी वृद्धाच्या फिर्यादीवरून येथील शहर पोलीस ठाण्यात गुन्हा दाखल करण्यात आला आहे.
सविस्तर असे की, रामदास दौलत पाटील ( वय-६५ ) रा. हिरापुर ता. चाळीसगाव. सेवानिवृत्त आहे. २६ ऑक्टोबर रोजी दुपारी १२ वाजेच्या सुमारास ते शहरातील एचडीएफसी बँकेच्या एटीएम समोर आले. त्यावेळी संशयित आरोपी सनी विष्णु चव्हाण (वय-२२) रा. वडगाव गंगापुर जि.औरंगाबाद या तरूणाने मागून येवून त्यांचे तोंड दाबुन त्यांच्या खिश्यात असलेले १००० रूपयांची रोकड काढून घेतले व पसार झाला.
दरम्यान रामदास पाटील यांनी चाळीसगाव शहर पोलीस ठाण्यात धाव घेतली. त्यांच्या फिर्यादीवरून तरूणावर गुन्हा दाखल करण्यात आला आहे. पुढील तपास सहाय्यक पोलीस निरीक्षक विशाल टकले करीत आहे.
